Xiaomi India Ke Head Ne Tweet Kar Bataya, Redmi 8 Mein Milegi Badi Battery aur Fast Charging Support

Redmi, 9th October ko India mein Redmi 8 smartphone ko launch karne wala hai. Launch date aur kuch specs ke saath phone ke official page ko mi.com par already live kiya jaa chuka hai. Ismein phone ke saath #BatteryCameraAction mention kiya gaya hai. Iss se expect kiya jaa raha tha ki phone mein behtar battery aur improved camera setup diya jaa sakta hai. Well, Redmi India ke twitter handle se aaj kuch specs ki confirmation hoti nazar aa rahi hai.

Redmi India ke tweet ko re-tweet karte huye Xiaomi India ke head Manu Kumar jain ne kaha ki ” kya aap USB type-C port ko miss kar rahe hain? 9th October ko aane wale phone mein aapko great camera, Fast charge aur higher capacity ki battery dekhne ko milegi.”

Iss tweet se expect kiya jaa raha hai ki Redmi 7 ke compare mein humein iss phone mein badi battery dekhne ko mil sakti hai. TENNA listing ki according phone mein 5000mAh ki battery, USB type-C  charging port ke sath di jaa sakti hai, jahaan fast charging ke liye ismein 18W fast charger ka support mil sakta hai.

Iss news ke sath yeh bhi maana jaa raha hai ki, Redmi ke aane wale phones mein micro USB charging port dekhne ko naa mile. Kyun ki iss se pehle bhi company ne Redmi 8A mein bhi USB type-c charging port hi diya hai. Well, yeh phone dual camera setup aur Aura Mirror design ke sath launch hoga, iss baat ki jaankari Xiaomi India ki official website par already share ki chuki hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: