Xiaomi India Head Ne Tease Kiya Redmi Y3 Ka India Launch

Redmi Y3 ke leaks last months se market mein increase hote jaa rahe hain. Lekin aaj Redmi India ke official Twitter handle se ek video tweet ki gayi hai, jisse ye saaf lag hota dikha raha hai ki jaldi hi Redmi ka next smartphone India mein launch kiya jaa sakta hai.

Aaiye aapko bataate hain ki majra kya hai?

Redmi Note 7 Pro ko 48 MP camera ke saath launch karne ke baad, company ke General Manager Lu Weibing ne ye confirm kiya tha ki jaldi hi Redmi 32 MP selfie camera ke saath ek smartphone launch karne waali hai.

Iske baad Redmi Y3 ko lekar kaafi rumors bhi market mein aaye aur ab Redmi India ke tweet kiye gaye teaser video se ye confirm hota hai ki jaldi hi Redmi ka naya smartphone launch hone waala hai. Saath hi is video mein kaafi selfies nazar aayi hain, jiska matlab yahi hai ki aane waala smartphone selfie centric hai. Is video ko aap neeche dekh sakte hain.

Iske alawa, jaisa ki aap tweet mein dekh paa rahe honge, yahaan likha hai, “Why is Manu on selfie spree? #YYY?”. Yahaan par mention kiye gaye triple Y se bhi yahi expect kiya jaa raha hai ki aane wala smartphone Redmi Y2 ka successor ho sakta hai, jis smartphone ko India mein Redmi S2 ke naam se launch kiya gaya tha.

Maana jaa raha hai ki Redmi Y3 ko bhi company China ke bahaar Redmi S3 ke naam se launch kar sakti hai. Redmi Y3 mein 32 MP ka Samsung ISOCELL Bright GD1 image sensor ho sakta hai. Iske alawa last month Redmi Y3 ko Wi-Fi Alliance par bhi spot kiya gaya tha aur saath hi leakster Ishan Agarwal ne bhi is smartphone ke India mein aane ki baat kahi thi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: