Xiaomi Black Shark 2 Announce Hua; Snapdragon 855 Aur 12GB RAM Ke Saath Jaldi Hi India Mein Bhi Hoga Available

Kayi baar rumors mein aane ke baad, aaj finally Xiaomi ka latest gaming smartphone Black Shark 2 bhi announce ho chuka hai. Is smartphone ko four storage options mein China mein announce kiya gaya hai aur wahaan aaj se hi ye handset order ke liye available hai. Company ne ise Shadow Black, Mirage Blue aur Frozen Silver colors mein relase kiya hai.

Ab agar specs ki baat karein to, Black Shark 2 mein 6.39 inch ki full HD+ 19.5:9 AMOLED display di gayi hai. Saath hi 7nm process based Snapdragon 855 chipset ka use, is smartphone mein kiya hai jiske saath Adreno 640 GPU moujood hai.

Android 9.0 Pie OS ke saath aane waale Black Shark 2 mein display mein HDR support hai aur gaming ke liye touch algorithm optimization ke saath 240Hz ka response rate hai. Saath hi yahaan par liquid cooling 3.0 diya gaya hai, jo ki liquid cooling system hi hai jo phone mein moujood liquid cooled plate ke saath liquid cooled tube ka use karta hai.

Black Shark 2 mein in-display fingerprint scanner diya gaya hai, back par X-style antenna design hai, jiske saath RGB logo bhi center mein moujood hai. Saath hi display ke liye hidden touch sensitive controls bhi hain.

Rear panel par main camera 48 MP ka hai, jo ki Samsung GM1 sensor, 0.8μm pixel size, f/1.75 aperture, LED flash ke saath aayega aur secondary 12 MP ka telephoto lens moujood hai. Iske alawa 20 MP ka frontal sensor diya gaya hai. Black Shark 2 mein 4000mAh ki battery di gayi hai, jo ki 27W fast charging support ke saath aayegi.

Ab baari aati hai pricing details ki. Black Shark 2 ke four storage variant launch huye hain, jinki details aap neeche dekh sakte hain.

  • 6GB+128GB – 3199 yuan (approx. 33,000 INR).
  • 8GB+128GB – 3499 yuan (approx. 36,000 INR).
  • 8GB+256GB – 3799 yuan (approx. 39,000 INR).
  • 12GB+256GB – 4199 yuan (approx. 43,000 INR).
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: