Xiaomi Ke Two New Android One Smartphones, Mi A2 Aur Mi A2 Lite Launch Huye, Multiple Storage Options Mein Hoga Available

Xiaomi ke most awaited smartphones jinka intezaar hum sabhi kaafi samay se kar rahe hain, aaj Spain ke Madrid shehar mein ek launch event mein launch ho chuke hain. Jaisa ki Xiaomi ne announce kiya tha, aaj Mi A2 aur Mi A2 Lite globally introduce kiye gaye. .

Xiaomi Mi A2

Pehle baat karte hain, Mi A2 ke baare mein jo ki China mein launch huye Mi 6X ka global version hai. Ismein 5.99-inch ki full HD+ display, hybrid dual SIM slots aur 3010mAh battery di gayi hai jismein qualcomm ka quick charge 3.0 support bhi hai.

Mi A2, Octa Core Qualcomm snapdragon 660 processor par chalta hai jiske four Kryo cores ki clock speed 1.8 GHz hai aur other four cores ki clock speed 2.2 GHz, saath hi Adreno 512 GPU bhi moujood hai. Iske alawa ismein 12 + 20 MP ka dual rear camera setup hai jismein 12 MP ka main camera LED flash, f/1.75 aperture, Sony IMX486 sensor ke saath aayega aur 20 MP secondary shooter f/1.75 aperture aur Sony IMX376 sensor ke saath.

Is smartphone mein 20 MP ka front camera bhi moujood hai jismein Sony IMX376 sensor aur soft LED flash light diye gaye hain. Ismein aapko dual 4G VoLTE support, back par fingerprint scanner aur Android 8.1 Oreo mil raha hai. Lekin ismein 3.5mm audio jack nahin hai.

Mi A2 ke three storage versions launch kiye gaye hain jismein-

  • 4GB RAM + 32GB ROM ka price 249 Euros hai (approx. 20,000 INR).
  • 4GB RAM + 64GB ROM ka price 279 Euros hai (approx. 22,500 INR).
  • High-end 6GB RAM + 128GB ROM variant ko 349 Euros ki kimat par launch kiya gaya hai (approx. 28,000 INR).

Mi A2 Lite

Mi A2 ke sath company ne Mi A2 Lite bhi launch kiya hai. Is smartphone mein Mi A2 ke comparison mein choti display hai. Mi A2 Lite mein notch display hai jo full HD+ resolution aur 19:9 aspect ratio ke saath aayegi  aur iska size 5.84-inch hai. Ismein 2.5D curved glass layer bhi top of the screen hogi.

Ismein bhi aapko dual rear cameras diye gaye hain jismein 12 MP ka primary camera f/2.2 aperture, LED Flash light, Sony IMX486 sensor ke saath aayega aur 5 MP ka secondary camera bhi f/2.2 aperture aur Samsung S5K5E8 sensor ke saath diya gaya hai. Ismein front camera bhi 5 MP ka hi hai. Halaanki ismein aapko badi battery milti hai jiski capacity 4000mAh ki hai, lekin ismein koi fast charging support nahin hai.

Mi A2 Lite mein Octa core Qualcomm Snapdragon 625 chipset hai jiski clock speed 2.0 GHz hai aur saath hi ismein dual nano SIM support aur dedicated microSD card slot bhi hai jo ki 256GB tak ke card support karta hai.

Mi A2 Lite mein bhi two storage options available honge jinhein Black, Blue and Gold colors mein 10th August se Spain mein kharida jaa sakta hai. Iske alawa ye 27th July se France mein aur 8th August se Italy mein bhi available hoga.

  • Mi A2 Lite ka 3GB RAM + 32GB ROM version 179 Euros (approx 14,500 INR) ke price par available hoga.
  • 4GB RAM + 64GB internal memory variant ka price 229 Euros (around 18,500 INR) hai.

Halaanki Mi A2 Lite India mein launch nahin kiya jayega. Lekin Mi A2 India mein jaldi hi aane ki ummid hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: