World’s First Foldable Smartphone – ‘Flexpai’ Snapdragon 855 Ke Saath Launch Hua: December 2018 Se Available Hoga

Hello Guys ! Aaj ki khaas khabar ye hai, ki world ka first foldable smartphone aaj launch ho chuka hai. Aur interesting ye bhi hai ki Samsung aur Huawei ko peeche chod, California based company Royole ne ise launch kiya hai. Aur jaisa ki ummid thi, ye affordable range mein to bilkul nahin hai. World’s first foldable smartphone ka naam hai – Flexpai.

Flexpai naam ke is smartphone mein aapko totally flagship experience dene ki koshish ki gayi hai. Iski main highlight iski foldable display ke saath saath ye hai ki ismein aapko Snapdragon 855 chipset milta hai, jo ki abhi launch bhi nahin kiya gaya.

Is handset mein 7.8 inch ki AMOLED display hai, lekin jab aap ise fold karte hain to ye 4 inch hoti hai. Yaani ki 7.8 inch ke tablet ko aap fold karke 4 inches ke smartphone ke roop mein use kar sakte hain. Display mein aapko full HD resolution milta hai.

Flexpai bhi ek Android 9.0 Pie OS based handset hai, lekin yahaan bhi aapko Android par company ka apna software Water OS milta hai.

Flexpai mein 2.8 GHz ki clock speed ke saath Octa Core Qualcomm Snapdragon 855 / Snapdragon 8150 7nm processor milta hai. Is foldable smartphone mein 3,800mAh ki battery, company ke apni fast charging technology, Ro charge ke saath di gayi hai, jo is smartphone ko 1 hour mein hi 80% tak charge karegi.

Camera section ki baat karein to, Flexpai mein 16+20 MP ka dual rear camera setup hai. Aur phone ko fold karne par yahi cameras, dual front cameras ka role play karenge.

Flexpai ke three storage options launch kiye gaye hain.

  • 6GB RAM + 128GB storage
  • 8GB RAM + 256GB internal memory
  • 8GB RAM + 512GB storage

Flexpai ke pre-orders China mein 31st October, 2018 se shuru ho chuke hain. Halaanki iski availability December 2018 se start ho sakti hai.

Ab price ki baat karein to iske base model ki kimat 8,999 yuan (approx. 95,000 INR) hai, aur top model ka price 12,999 yuan (approx. 1,37,000 INR) hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: