World Ka Sabse Chota Gaming Laptop Think Tiny, 1 Inch Se Bhi Kam Hai Display Size

Agar aapne Lenovo company ka naam suna hai, to aap yeh jarur jaante honge ki yeh company smartphone ke saath saath Laptop aur desktop ki bhi manufacturer hai. Lenovo ki famous laptop series ThinkPad, commercially sabse jyada use hone wali laptop series hai. Lekin ismein khaas baat kya hai? Paul Klinger ne world ka sabse chota ThinkPad laptop design kiya hai, jiski display sirf 0.98 inch ki hai. Iski display mein 128×64 Pixel ki OLED ko use kiya gaya hai. Iss laptop ka naam Think Tiny Laptop hai. Aapko bata dein ki Paul Klinger ne iss se pehle duniya ka smallest gaming PC bhi banaya tha.

 

Yeh laptop dekhne mein kaafi attractive lagta hai. Ise sirf show piece ke liye design nahi kiya gaya hai, iss laptop mein aap Snake, lunar lander, Tetris jaise game play kar sakte hain. Yeh laptop ATtiny 1614 mini controller ke saath aata hai. Laptop ki battery 300mAh Li-ion ki di gayi hai, jise charge karne ke liye micro USB port diya gaya hai. Ise charge karne ke liye aapko TP 5400 charger/boost converter milta hai.

 

Think Tiny laptop par aapko keyboard ke beeche mein ek red button diya gaya hai, jo ki track pad ka kaam karta hai. Paul Kilnger ne filhal ise selling ke purpose se design nahi kiya hai. Iss laptop ke production  mein one week ka time laga hai.  Iss laptop ko banane mein total $85 (~Rs 5,900) ka kharch aaya hai, jismein $15 (~Rs 1,000) custom print circuit board par aur $70 (~Rs 4,900) iss mini laptop ke components par spend kiye gaye hain. Agar aap iss laptop ko khud bhi banana chahte hain to Paul Klinger ke web-page GITHUB par jaa kar iski poori coding aur designing dekh sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: