World Ka Latest Super Computer Aaya India Mein, Artificial Intelligence Field Mein Karega Help

Artificial Intelligence aaj ki technology ka aadhar banta jaa raha hai. Issi artificial intelligence ki base ko aur majboot karne ke liye IIT Jodhpur mein world ke sabse jayad powerful super computer DGX-2 ko laaya gaya hai. IIT Jodhpur Science department ke head Dr. Gauarv Harit ne bataya ki yeh super computer Artificial Intelligence applications ko develop karne mein sabse jyada helpful computer saabit hua hai. Ise ek special laboratory mein rakha gaya hai.

Computer Data Programming Analyzing par based yeh computer Rs 2.50 Crore ki investment ke saath banaya gaya hai. Iss computer ki power ko aap yahan se judge kar sakte hain ki ismein 16 GPU card ko use kiya gaya hai, jahaan har ek GPU card ki capacity 32GB ki hai. Iss super computer mein 512GB ki RAM install ki gayi hai. Data storage ke liye iss super computer mein 30TB ki hard drive ko use kiya gaya hai. Iss super computer ka total weight 150Kg hai.

 

Iss super computer ko India mein laane ka main reason AI field mein development ko support karna hai. Iske liye IIT Jodhpur ne super computer manufactures Nvidia ke saath 2 years ke liye collaboration kiya hai.

 

Iss samay humari country mein kuch special DGX-1 super computer available hain, jinmein IISC Bangalore jaise organisation include hain. DGX-2 super computer last DGX-1 ke compare mein double capability rakhta hai. Iski capability ko aap iske kaam karne ki speed se samjh sakte hain, jo kaam DGX-1 15 days mein complete kar sakta hain use DGX-2 ko complete karne mein sirf one and half day lagta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: