Wireless Gamepad Ke Saath India Mein Launch Hua Motorola 75 Inch 4K LED Smart TV

Motorola ne last month hi India mein apne TV lineup ko introduce kiya tha. Ismein company 32 inch, 43 inch, 50 inch, 55 inch aur 65 inch smart TVs ko launch kiya tha. Ab iss TV lineup ko expand karte huye company ne 75 inch 4K LED Smart TV ko launch kiya hai. Yeh smart TV wireless game pad ke saath aata hai.

Yeh smart TV Android 9 Pie operating system par kaam karta hai. TV mein aapko Netflix, Google Suits Apps, Amazon Prime Video aur Youtube jaise apps pre-installed milte hain. Itna hi nahi, TV ke saath aane wale remote mein bhi aapko Netflix, Youtube, Amazon Prime video aur Google Play ke liye dedicated buttons diye gaye hain. Iske saath hi iss remote par aapko Google Assistant ke liye bhi dedicated button diya gaya hai.

Motorola 75 inch 4K LED Smart TV mein 1 GHz CA53 Quad-Core CPU ka use kiya gaya hai. Behtar graphics ke liye iss TV mein Mali450 Quad-Core GPU milta hai. TV mein aapko 16GB ki internal storage aur 2.25GB ki RAM di gayi hai. Iss TV mein company ne 4K IPS panel ko use kiya hai. Sath hi yeh TV Dolby Vision + HDR 10 support ke saath aata hai. Iss TV mein aapko 450 nits ki brightness milti hai. Iske alawa screen ka refresh rate 60Hz milta hai.

Connectivity ke liye aapko TV mein 3 HDMI port, 2 USB port aur 1 Ethernet port aur 1 audio output port diya gaya hai. Iss TV ki sale jaldi hi Flipkart par shuru ki jaayegi, jahaan iss TV ko purchase karne ke liye aapko Rs. 1,19,999 pay karne honge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: