Windows 11 ISO ke features ki details leak mein saamne aayi, 24 June ko hoga launch

Microsoft ki nayi announcement ke according Windows ka naya version Windows 11 next week launch hone waala hai. Ye launch June 24, 2021 ko kiya jayega, lekin iska near final version launch se pehle hi saamne aagya hai. Ye version build number 21996 ke saath ek Chinese forum site se leak hua hai aur iski kaafi details bhi saamne aayin hain.

Is naye operating system Windows 11 ke leak huye version se UI design aur kuch features saamne aaye hain. Is OS mein ab kayi badlaav hain jaise ki Start Menu, icons ab aapko task bar ke center yaani ki beechon-beech milenge aur settings mein jaa kar aap inhein center mein se left corner par bhi set kar sakte hain.

Windows 11

Iske alawa rounded corners, naye animations, naye wallpapers, bright colorful icons, jaise bhi kayi naye changes kiye gaye hai. Halaanki ismein kayi achhe changes hain, lekin design wise ye Windows 10 se jyada alag nahin hai.

Ismein weather information, news, etc. ke liye slide widgets hain. Nayi themes aur improved dark mode jaise features bhi saamne aaye hain.

Saath hi expect ye kiya jaa raha hai ki Microsoft is naye Windows 11 ke final version ko launch karne se pehle ismein kuch aur features bhi add kar sakti hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: