Windows 10 New Feature; Ab Kar Sakte Hain Your Phone App Se Android phone Ko Windows PC Par Mirror

Microsoft ne apne global event mein Surface devices ke alawa immediate availability ke saath Windows 10 OS ki bhi announcement ki. Company ka ye latest software update kayi naye features, themes ke saath aapko naya experience dega.

Is software ka highlight aur sabse interesting feature hai ‘App Mirroring. Ismein Your Phone App ki help se aap apne smartphones ki Android apps ko apne Windows PC par use kar sakte hain.

Janna chahte hain, kaise ? Aaiye hum aapko bataate hain.

Sabse pehle aapko Microsoft Store se ‘Your Phone’ app download karni hogi, jiski help se aap apne phone se laptop ya monitor par photos, notifications, vidoes etc. synuc kar sakenge.

Ye naya feature isi month se aapke liye available hai. Apne PC ko update karne par aap Apps ko mirror kar sakte hain.

  • Your Phone app ko download karne ke baad aapko network se already connected devices ki list nazar aayegi, jismein se aapko apna phone select karna hai.
  • Iske baad aapke phone par ek code aayega aur aap apne phone ko is code ke dwara aap se link kar sakte hain.
  • Iske baad aapke Android smartphones par dikhne wala content Microsoft ki ‘Your Phone’ app dwara aapkw Windows OS par chalne waale laptop ya desktop par nazar aane lagega.

  • Iske baad aap apne smartphone par aaye messages, notifications ko apne Windows laptop par check kar sakte hain aur wahin se revert bhi kar sakte hain.
  • Isi ke saath, is app ki madad se aap apne laptop se photos ya file ko apne Android phone mein drag karke bhi transfer kar sakte hain.

Ye Your Phone app, Microsoft Office 365 ya other apps ke saath bhi kaam karti hai. Halaanki is naye feature ke baare mein company ne aur jyada kuch nahin kaha hai, lekin ye to clear hai ki ab laptop par kaam karte huye aapke phone ke notifications ya important messages miss nahin honge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: