Why Cheat India : Indian Education System ko Darshati Hai Yeh Movie

Education system mein ho rahe ghotalon ko darshati hai yeh film, Why Cheat India. Jaisa ki aapne movie ke trailer mein dekha hoga ki yeh movie education department ko ek business ki tarah pesh karti hai. Jahan iss movie ke lead character mein aapko Emraan Hashmi, Shreya Dhanwantary, Amaar Taalwala dikhte hain. Yeh movie education system ko khokhla banane wale agents ko le kar banayi gayi hai. Saath hi yeh bhi dikhati hai ki aap paise ke dum par kuch bhi karwa sakte hain.

 

Lead role play kar rahe character Emraan Hashmi ek broker Rakesh Singh aka Rocky ka role play kar rahe hain. Jo khud ke sapno ko poora karne ke liye yeh kaam karta hai. Isi ke saath yeh bhi maanta hai ki jis se kisi ka bhala ho wah kaam galat nahi hota hai. Is scam mein wah aise students ko search karta hai jo study mein bright hote hai lekin financially strong nahi hote hain. Wahin dusri taraf wah unn ameer students aur unke parents ko fasata hai jo financially strong hain lekin study mein kuch khaas perform nahi kar paate hain. Iss scam ke dauraan wah ameer logon se paise le kar unka duplicate admit card banwata hai aur unn students se exam dilwata hai jo study mein bright hain. Saath hi jo brokerage money woh leta hai usmein se kuch part wah exam dene wale students ko aue education department ko de deta hai.

 

Movie mein Satyendra Dubey aka sattu ka ek major role dikhaya gaya hai jo ki ek bright student hai. Apne maa- papa ki ummidon aur sapno ko poora karne ke liye gaon se bahar aata hai. Jahan wah study ke saath saath apne parents ki financially help bhi karna chahta hai. Inhi sab ke beech wah Rakesh Singh ke iss trap mein fas jata hai. Use yeh paise kamaane ka ek asaan tarika lagta hain. Wahin issi dauraan uski sister ko Emraan Hashmi se pyar ho jaat hai. Jahan inke beech romance ke chalte movie apne main point se divert hoti huyi lagti hai. Inhi sab ke chalte movie ka first half complete ho jata hai.

 

Movie ke second half mein Emraan Hashmi issi broking system ek chalte ek case mein fas jaate hain. Lekin first time wah apne political approach ki wajah se jail bahar aane mein succesful rahte hain. Lekin iske opposite jab wah second time jail jaate hain to seedhe unki attendance court hall mein dikhayi jaati hai. Jahan wah khud par lagaye gaye allegation ko bahut hi safai ke saath support aur oppose karte huye dikhai dete hai. Yahan aapko movie ke concept samjhne mein thodi muskil ho sakti hai. Issi ke saath finally court unhe release kar deti hai.

 

Movie ka main motive yeh dikhana hai ki India mein cheating ki jarurat aakhir kyun padti hai. Yeh movie Kota, Jaunpur, Lucknow, Jhansi ke location ko dikhati hai. Jahan Kota ko ek study hub bataya hai jaisa ki baakai mein hai. Kahin na kahin iss poori cheating mein har vyakti shaamil hota hai. Chahe wah students ko pressurise karne wale parents ho ya students ke marks se unhe judge karne wala yeh samaaj. Inhi sab ke chalte har exam ke result ke baad humein suicide attempt ki khabarein bhi sunne ko milti hai.  Iss movie ko reality ke kaafi kareeb portray kiya gaya hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: