WhatsApp Par Aaya Fingerprint Lock Ka Option, In Simple Steps Ke Saath Karein WhatApp Ko Secure

WhatsApp users ke liye ek good news aayi hai. Guys, Whatsapp ke latest update ke saath ab aapko “Unlock with fingerprint” feature bhi mil chuka hai.

Halaanki ye thoda sa late hai, lekin finally v.2.19.308 update ye naya feature laaya hai. Saath hi hum aapko ye bhi bata dein ki ismein aap wo same fingerprints bhi use kar sakte hain, jo aapne apne device ko unlock karne ke liye use ki hain. Ji haan ! Whatsapp ko fingerprint ke saath unlock karne ke liye aap multiple fingerprints bhi register kar sakte hain.

Aaiye aapko bataate hain ki kaun se simple steps ke saath aap Whatsapp par fingerprint lock ko setup kar sakte hain.

  • Google Play Store par jaakar Whatsapp ko update karein.
  • Iske baad Whatspp application ko open karein aur top right corner mein diye huye three buttons ko click kar wahaan se settings mein jaayein.
  • Iske baad ‘Account’ option ko choose karein.

  • Iske baad ‘Privacy’ option mein jaakar aapko ‘Fingerprint lock’ ka option milega.

  • Iske baad ‘unlock with fingeprint’ toggle ko ON kar lein.

  • Isi ke saath aap apne Whatsapp ko fingerprint se secure karne ke setup poore kar lenge.
  • Iske baad aapko ‘automatically lock’ karne ke time options milenge. For example – aap 1 minute choose karte hain, to aapki WhatsApp application 1 minute tak use na karne par automatically lock ho jayega. Ismein aapko three options milnege – immediately, 1 minute aur 30 minutes.

  • Isi ke saath aap privacy ko lekar notifications mein se bhi Whatsapp preview hata sakte hain. Iska option bhi aapko in time options ke neeche hi milega. Iske liye aap ‘show contentin notifications’ toggle ko OFF kar sakte hain.

Ab aapke device ke saath aao WhatsApp application ko bhi alag se fingerprint lock ke saath use kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: