WhatsApp Ne iOS Platform Ke Liye Roll Out Kiya Naya Feature, Face ID Aur Touch Id Ke Jariye Kar Sakenge Unlock

World’s largest messaging app WhatsApp apni services ko aaye din update karta rehta hai. Haal hi mein one touch single sticker download feature ke baad ab WhatsApp ne ek aur interesting feature ko roll out kar diya hai. Lekin yahan Android user ko thoda niraash hona pad sakta hai. Kyun yeh feature abhi sirf iOS platform par roll out kiya gaya hai. Security  aur privacy ko dhayan mein rakhte huye WhatsApp ne Face ID unlock aur Touch ID unlock feature ko reveal kar diya hai. Jahan yeh aapki privacy ka poora dhayan rakhega.

 

Roll out kiye gaye iss feature mein aap kisi particular chat par Face ID unlock ya Touch ID unlock ka use nahi kar paaenge. Yeh feature WhatsApp ke 2.19.20 version ke saath launch kiya gaya hai. Haanlanki abhi iss feature ka Beta version reveal kiya gaya hai.

Iss option ko enable karne ke liye aapko apne phone ek setting option mein jaa kar Account option par click karna hoga. Iske baad privacy option par click karne par aapko inn features ka option wahan dikhai dega. Aap jis bhi feature ko use karna chahte hain, use click kar ke Face ID ya Touch ID set kar sakte hain. WhatsApp version 2.19.20 se neeche ke version ke liye pass-code security feature reveal kiya jaaega.

 

Iske alawa pop-up hone wale notification mein users pehle ki tarah hi chat ka reply kar sakenge. Yahan aapko kisi bhi tarah ke authentication ki jarurat nahi padegi. Saath hi WhatsApp calls ka reply bhi bina kisi authentication ke saath kiya jaa sakega. Iss feature ki update WEBateInfo ne twitter par tweet ke dwara di hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: