Whatsapp Mein Jaldi Hi Aane Wale Hain Yeh Naye Features, Privacy Mein Bhi Honge Helpful

Kuch samay pehle hi humne aapko Whatsapp dark mode ke baare mein update di thi jo ki jaldi hi users ke liye roll out hone wala hai. Wahin Whatsapp se judi ek aur news saamne aayi hain jahan aane wale samay mein Whatsapp mein kuch aur security updates aane wale hain. Iss update mein Whatsapp mein 5 naye features add kiye jaaenge. Inn features mein aapko 3D touch, finger print unlock, reply privately main features milenge. In features ke baare mein hum aapko one by one batate hain. Yeh features abhi BETA testing ke liye shuru kar diye gaye hain.

Reply Privately

Hum Whatsapp mein alag alag groups mein chat karte hain, kuch humare contacts mein pehle se add hote hain aur kuch unknown. Agar aapko uss group ke kisi bhi unknown person ke saath chat karni hai to aapko pehle wah contact apne phone mein save karna hota hai. Lekin iss feature ke aa jane se aap uss contact ko bina save kiye bhi privately chat kar paaenge.

 

3D Touch For Whatsapp Status

Sources ke according yeh features sirf iphone users ke liye hi roll out kiya jaaega. Jahan iphone users 3D long press ke through hi Whatsapp ke status ko check kar sakenge. Iske liye aapko app open karne ki jarurat nahi padegi.

 

Whatsapp Finger Print lock 

Whatsapp mein finger print ke dwara app ko lock aur unlock karne features bhi add kiya jaaega. Privacy ko dhayan mein rakhte huye yeh features design kiya gaya hai. Ho sakta hai aap iss features ka use kisi 3rd party app ke through karte ho lekin ab yeh features aapko Whatsapp ke basic features mein hi milega.

 

Sticker Integration

Haalanki yeh features iOS ke liye already available hai. Ismein kisi 3rd party app ke dwara stickers ko integrate kar ke Whatsapp mein use kar sakte hain. Aane wali update mein yeh features Android ke liye bhi available kiya jaaega.

 

Audio Picker 

Iss features ke dwara aap 30 audio files ko select kar unhe send kar sakte hain. Iske alawa kisi bhi audio file ko send karne se pehle aap use khud bhi sun sakenge.

 

Inn sabhi updates ke alawa Whatsapp Web ya desktop feature mein bhi aapko ek update jaldi hi di jaaegi. Iss feature ka naam hai picture-in-picture (PIP) feature. Yeh features smartphones ke liye pehle se available hai.  Iss update ki confirmation WEBetaInfo ne tweet ke dwara ki hai.  Iss feature ke dwara aap Whatsapp Web mein bane hone ke bawajood bhi Instagram ya Youtube ki video ko dekh sakte hain.

 

 

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: