WhatsApp Business Solutions Ke Liye LG Electronics India Ne Shuru Ki Nayi Service, Jaane Kya Hain Iske Benefits

Sales service ko expand karne ke baad LG ne ab Whatsapp Business Solutions ke liye Infobip ke saath haath milaya hai. Iski wajah se consumers ko two way message Conversation karne mein help milegi. Iss service ki help company naa sirf metro cities customers ke  saath balki all over India ke customers se behtar tarike se connect ho sakegi. Saath hi iss service ki wajah se customers bhi company ke saath aasani se contact kar sakenge.

 

LG ne iss service ko  1st June 2019 se poore India mein live kar diya hai. Consumers ko company se connect ke liye users +91 9711709999 iss WhatsApp number ka use kar sakte hain.

WhatsApp service ke through users na sirf kisi product ke regarding complaints register karwa sakte hain balki kisi bhi product ya uski service ke liye inquiry bhi kar sakte hain. Iske alawa apne aas-pass LG store ki jaankari bhi users iss Whatsapp service mein le sakte hain. Issi ke saath kisi bhi product ki installation ke liye request ka option aapko yahan milta hai.

 

Service Benefits 

Iss service ke benefits ki baat karein to, sabse pehle to user ki kisi bhi tarah ka wait nahi karna hoga. WhatsApp conversation ke duaraan unhe instant reaction aur response diya jaayega. Issi ke saath aap apne product ki image aur documents ko bhi jarurat padne par share kar sakte hain. Apne product se related self help product ke liye bhi aap yahaan register kar sakte hain. Inn sabhi services ke saath apne produst se related status aur updates bhi aapko diye jaayenge. Iske alawa new products ki jaankari bhi aapko yahaan milegi.

 

Iss service ko launch karte huye LG Electronics India ke Managing Director Ki Wan Kim ne kaha “ Company apni customers ki change hoti huyi preference ko dekhte huye apni sale service ko aur expand kar rahi hai, jis se hum customers tak jaldi aur effective service ko deliver kar sakein. Ismein service ke alawa need based innovation, customers-centric point of view aur durability include hai. Inn sabhi services ke saath hum customers ke saath apni bonding ko next level par le jaane ke liye prepare karte hain”.

 

Wahin dusri tarf Infobip ke CEO Silvio Kutic ne kaha ki “ LG Electronics ke saath collaboration karne par unhe kaafi acha kag raha hai, jismein wah company ke saath mil kar customers products repair aur request mein help karenge. Haalanki wah pehle se hi apne customers ke trust aur loyalty ko banaye rakhne ke liye kaam rahe hain”.

 

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: