Waterdrop Notch Ke Saath Aane Wala First Xiaomi Smartphone – Mi Play Announce Hua

Xiaomi ne aaj waterdrop notch ke saath apna first smartphone launch kiya jiska naam Mi Play hai. Is smartphone ke rumors aur leaks kuch dinon se saamne aa hi rahe the, aaiye dekhte hain ki leaks sahi rahe ya nahin. Sabse achhi baat yahaan par ye hai, ki Mi Play ek budget smartphone hai, lekin ek buri khabar ye hai ki, is handset ka kewal ek storage option 4GB RAM +64GB internal memory hi announce kiya gaya hai.

Mi Play mein aapko MediaTek Helio P35 12nm chipset milne wala hai, jiske saath 680 MHz IMG PowerVR GE8320 GPU hai. Kuch khaas features ki baat karein, to yahaan par aapko waterdrop notch ke saath Corning Gorilla Glass 5 protection mil raha hai. Saath hi ye dual SIM aur dual 4G VoLTE support ke saath aane wala hai.

Iske alawa Mi Play Xiaomi ka first smartphone hai, jismein aapko gradient color options milne wale hain. Well, display ko lekar leaks sahi hain, kyunki yahaan apko 5.84 inch ki full HD+ 19:9 2.5D curved display milne waali hai.

Is handset mein 12+2 MP ka dual rear camera setup hai, jismein primary camera, LED flash light aur f/2.2 aperture ke saath aayega, jabki secondary 2 MP sensor yahaan par depth focusing ke liye moujood hai. Saath hi yahaan 8 MP ka selfie camera bhi hai, jo notch mein fitted hai. Iske alawa yahaan aapko rear mounted fingerprint sensor bhi diya jaa raha hai.

Mi Play mein Android 8.1 Oreo OS ke saath MIUI 10 user interface hai. Aur ab battery ki baat karein to aapko yahaan 3000mAh ki battery milti hai, jismein company ne koi fast charging nahin di hai.

And finally aate hain, price par, to Mi Play ko 1099 yuan ke price tag ke saath launch kiya gaya hai, yaani ki lagbhag 11,000 INR. Lekin yahaan par is smartphone ke India launch ka abhi koi jikr nahin hai, but expect kiya jaa raha hai ki kisi aur naam ke saath company is handset ko India mein jaldi hi launch kar sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: