Waterdrop Notch, In-display Fingerprint Scanner Ke Saath Launch Hua Oppo K1

Oppo ka mid-range smartphone, K1 finally launch ho gaya hai. Sabhi trending features ke saath is smartphone ko Van Gogh Blue aur Mocha Red colors mein aaj China mein unveil kiya gaya. Well, in-display fingerprint scanner aur waterdrop notch ke saath aaye is smartphone ki kimat kaafi impressive hai.

Oppo K1 mein 6.4 inch ki full HD+ AMOLED display di gayi hai, jo 19.5:9 aspect ratio aur 2.5D curved glass layer ke saath aayegi. Saath hi ismein Snapdragon 660 chipset hai aur 4GB / 6GB RAM options moujood hain. Storage option kewal ek hi hai – 64GB, lekin microSD card slot ke through aap ise additional 256GB tak extend kar sakte hain.

Oppo K1 mein dual SIM slots hain aur ye Android 8.1 Oreo OS ke saath market mein aayega, jis par Color OS 5.2 custom UI hai. Ismein 16+ 2 MP ke dual rear cameras ko LED flash light ke saath diya gaya hai. Jabki front par aapko selfies ke liye 25 MP ka camera milta hai.

Achhi baat ye hai ki sabhi trending features ke saath ismein dual 4G VoLTE support bhi hai aur 3600mAh ki battery di gayi hai. Ismein Wi-Fi 802.11 ac, Bluetooth 5.0, GPS, GLONASS, USB Type-C port aur 3.5mm audio jack jaise features bhi hain.

Oppo K1 ke 4GB+64GB version ka price 1599 yuan (approx. 17,000 INR) hai aur 6GB+64GB variant ko 1799 yuan (approx. 19,000 INR) ke price tag ke saath launch kiya gaya hai. China mein ye aaj se hi pre-order ke liye available hai aur iski sale 20th October se start hogi.

Halaanki India mein is handset ke launch ki abhi koi khabar nahin hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: