Reliance Jio Ka Rs. 149 Ka Plan Phir se Aaya, Vodafone-Idea & Airtel Par Dobara Se Milenge Sabhi Networks Par Unlimited Calls

Kuch samay pehle TRAI ke orders ke baad sabhi telecom operators ne FUP capping ke saath unlimited free calling par rok lagaayi thi. Jiske chalte pehle IUC top-up plans introduce huye aur phir 6th December se companies ne new plans announce kiye, jinmein aapko FUP minutes mil rahe the aur inke khtm hone par 6p per minute ka charge bataaya gaya tha.

ALSO READ: Reliance Jio Ne Reveal Kiye Revised All-in-One Plans Ke Prices, 199 INR Se Start Honge Plans

Lekin aaj Airtel aur Vodafonr-Idea ne finally unlimited plans announce kiye hain, jinmein koi minutes ki limitation bhi nahin hai aur aap kisi bhi network par ye calls kar sakte hain.

Isi ke saath Reliance Jio ke 149 INR aur 98 INR ke plans bhi waapas aaye hain. 149 INR ke plan ki validity 24 days ki hai, jismein aapko 1GB data per day, Jio-to-Jio unlimited free calls aur other networks par call karne ke liye 300 FUP minutes milte hain.

Wahin Airtel ke isi plan ki validity 28 days ki hai aur ismein sabhi networks par unlimited calls free hain. Iska price Jio se thoda jyada hai – 219 INR. Vodafone-Idea mein bhi 1GB data / day, sabhi networks par unlimited free calls ka plan 249 INR hai. In sabhi mein 100 SMS/ day bhi included hain.

Yahaan par Jio ka plan bhale hi sabse sasta hai, usmein FUP minutes ki limitation hai. Jabki Airtel aur Vodafone-Idea mein aapko sabh networks par unlimited free calls bhi mil rahe hain.

Iske alawa Airtel ne aur bhi naye three plans announce kiye hain, jinki detail aapko neeche di gayi picture mein mil jayegi.

Reliance Jio ka ek aur cheaper plan jo ki Rs. 98 ka hai, wo bhi wapas aaya hai. Iski validity bhi 28 days ki hai, lekin ismein aapko 2GB data milta hai, jo ki per day basis par nahin hai, sirf 2GB hi hai. Saath hi 300 SMS aur Jio-to-Jio unlimited calls bhi hain. Other networks par baat karne ke liye aapko 6 paisa per minute ka charge dena hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: