Vivo Z3x, Snapdragon 660 Aur Full HD+ Display Ke Saath Announce Hua

Vivo is samay lagaatar smartphone launch karti jaa rahi hai. Ek taraf company ne Vivo Apex aur Vivo iQOO jaise flagship aur innovative smartphones introduce kiye, wahin doosri taraf company har month affordable smartphones bhi announce kar rahi hai. Aaj bhi Vivo ne China mein Z3x announce kiya, jo ki ek budget handset hai.

Is smartphone ke specs ki baat karein to, Vivo Z3x mein 6.26 inch ki full HD+ display hai aur yahaan Qualcomm ka Snapdragon 660 chipset, power den eke liye istemaal kiya gaya hai. Halaanki lagbhag isi price par ab Redmi aur Realme aapko Snapdragon 675 aur Snapdragon 710 jaise powerful chipsets bhi offer kar rahe hain.

Iske alawa is smartphone mein 13+2 MP ka dual rear camera setup bhi moujood hai, jo ki LED flash light aur f/2.2 aperture ke saath aata hai. Vivo Z3x mein selfie camera 16 MP resolution aur f/2.0 aperture ke saath aata hai. Ismein rear mounted fingerprint scanner hai aur cameras ko vertically fit kiya gaya hai.

Vivo Z3x mein hybrid dual SIM slots diye gaye hain, yaani ki yahaan par aapko second SIM aur microSD card mein se ek choose karna hoga. Saath hi ismein 3260mAh ki battery hai, lekin koi fast charging option company ne nahin diya hai. Iske alawa ye smartphone Android 9.0 Pie OS aur FunTouch OS 9 ke saath aapko milta hai.

Vivo ke is affordable handset mein kewal ek hi storage option hai, jismein 4GB ki RAM aur 64GB ki internal memory di gayi hai aur iska price hai 1198 yuan (approx. 12,000 INR). Vivo ke is smartphone ko China mein aaj hi announce kiya gaya hai aur ye pre-orders ke liye aaj se hi available hai, jabki iski sale next week se start hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: