Vivo Z1 Pro Vs Redmi Note 7 Pro Vs Realme X: Kya Waakyi Redmi & Realme Phones Se Better Hai Vivo Z1 Pro?

Vivo ne haal hi mein India mein apna first Z-series smartphone Vivo Z1 Pro announce kiya hai. Is smartphone mein Snapdragon 710 chipset moujood hai aur company ne ise Redmi Note 7 Pro & upcoming Realme X ki price range mein hi launch kiya hai. Realme X bhi 15th July ko India mein launch hone wala hai aur ismein aapko Snapdragon 710 chipset mil sakta hai. Wahin Redmi Note 7 Pro mein Snapdragon 675 processor hai.

In teenon hi phones ke on-paper specs kaafi achhe hain, lekin waakyi mein kaun kisse aage hai, ye jaane bina phone mat lijiye. Aaiye discuss karte hain Vivo Z1 Pro Vs Redmi Note 7 Pro Vs Realme X detailed comparison.

Design & Build Quality

Redmi Note 7 Pro, Vivo Z1 Pro aur Realme X, teenon hi 20K ke budget mein kaafi achhe phones hain. Lekin design ki baat karein to Redmi Note 7 Pro Corning Gorilla Glass 5 sandwich design ke saath kaafi premium look deta hai. Wahin Vivo Z1 Pro aur Realme X mein aapko polycarbonate body ke saath glassy look milta hai.

Vivo ne apne Z1 Pro ko ek gaming smartphone ke taur par launch kiya hai, lekin agar apki priority design hai, to aap Redmi Note 7 Pro ko chun sakte hain, jo ki glass aur metal body ke saath aata hai. Lekin Realme X mein aapko notchless display attractive lag sakti hai. Saath hi in sabhi mein Realme X hi aisa hai, jismein pop-up selfie camera aur in-display fingerprint scanner hai.

Display

Sabhi phones mein full HD+ resolution ke saath display di gayi hai. Vivo Z1 Pro mein punch hole selfie camera ke saath 6.53 inch ki full HD+ LCD display hai. Realme X mein 6.53 inch ki full view AMOLED display hai. Redmi Note 7 Pro mein waterdrop notch ke saath 6.3 inch ki IPS in-cell display hai.

Redmi Note 7 Pro mein display, indoors mein achhi hai, lekin outdoor mein ye dull hai. Vivo Z1 Pro ki display mein color and brightness kaafi achhi hai aur indoor & outdoor visibility bhi Redmi Note 7 Pro ke mukaable behtar hai.

Wahin Realme X mein aapko AMOLED panel milta hai, saath hi ye notch free bhi hai. In sabhi phones mein is upcoming phone ki display jyada crisp aur bright hai.

ALSO READSamsung Galaxy M40 Vs Redmi Note 7 Pro Detailed Comparison: Triple Rear Camera Or 48MP Camera?

Processor

Redmi Note 7 Pro ko year ke starting mein Octa Core Qualcomm Snapdragon 710 chipset ke saath launch kiya gaya tha, ismein koi lag ya kisi bhi tarah ka issue nahin hai. Overall aap is par heavy games bhi kisi had tak enjoy kar sakte hain. Lekin wahin Vivo Z1 Pro mein aaya Octa Core Snapdragon 712 chipset, latest hai aur SD 675 se kaafi fast hai.

Yahaan aap keh sakte hain ki multi-tasking, NetFlix aur Prime Videos streaming, WhatsApp, mediocre gamers ke liye Z1 Pro, Realme X aur Redmi Note 7 Pro mein koi khaas difference nahin hai. Lekin wahin agar aap ek avid gamer hain aur specially games ke liye 20K ki price range mein phone chahte hain, to aapko Vivo Z1 Pro choose karna chahiye.

Doosri taraf, Realme X ko China mein Snapdragon 710 ke saath launch kiya gaya hai. Ye chipset bhi kaafi achha hai. Saath hi is phone mein aapko 8GB tak ki RAM bhi milti hai. Yahaan bhi apps kaafi fast launch hoti hain, games bhi smoothly chalte hain aur kahin koi shikayat nahin hai, lekin Sd 712 se ye slightly peeche hai.

ALSO READ: Realme 3 Pro Vs Redmi Note 7 Pro Detailed Comparison: The Battle Of Pros

Camera

Redmi Note 7 Pro aur Realme X, dono mein hi aapko 48+5 MP ke dual rear cameras milte hain. Inmein Sony IMX 586 sensor ke saath aap amazing pictures click kar sakte hain. Saath hi pixel binning technology ke through, ye dono phones aapko 12 MP ki images offer karte hain, jinmein kaafi achhi details, colors aur sharpness dekhne ko milti hai.

Iske alawa Vivo Z1 Pro mein triple rear cameras hain. Lekin ismein primary camera 16 MP ka hai, jo Sony IMX499 sensor ke saath diya gaya hai, 8 MP ka wide angle lens hai aur 2 MP ka depth sensor hai. Lekin ismein aapko 32 MP ka selfie snapper milta hai, jo ki iski camera highlight hai.

Ab agar aap sach poochein, to Redmi Note 7 Pro better hai, kyunki low light photography ke liye yahaan Night Mode milta hai, jismein pictures kaafi better aur crisp aati hain. Jabki low light situations mein Z1 Pro ki images utni achhi nahin hain.

Battery

Realme X mein 3765mAh ki battery hai, VOOC fast charging support hai, jo ki 50% tak battery ko 30-35 minutes mein charge karta hai. Wahin Redmi Note 7 Pro mein 4000mAh ki battery hai, Quick Charge 4.0 fast charging technology ke saath aati hai. Lekin Redmi Note 7 Pro ke saath box mein aapko 10W charger milta hai, jo ki fast charger nahin hai, to yahaan par aapko lagbhag 2,000 INR tak ka fast charger kharidna padega, agar aap fast charging chahte hain.

Vivo Z1 Pro mein aapko massive 5000mAh ki battery capacity di gayi hai. Ye 18W fast charging ke saath aati hai. Saath hi yahaan OTG support bhi hai, to aap apne Z1 Pro se kisi aur phone ko bhi charge kar sakte hain.

Agar main choose karti hun, to definitely main Vivo Z1 Pro ki taraf hi jaungi.

ALSO READ: Redmi Note 7 Pro Mein Naye MIUI Update Ke Saath Aaya Fortnite Game Support: Users Aise Karein Update

Pricing & Availability

Redmi Note 7 Pro (Available on Flipkart)

  • 4GB + 64GB storage model – 13,999 INR
  • 6GB + 64GB storage options – 15,999 INR
  • 6GB + 128GB storage model – 16,999 INR

Vivo Z1 Pro (Available from 11th July on Flipkart)

  • 4GB + 64GB model – 14,990 INR
  • 6GB + 64GB model – 16,990 INR
  • 6GB + 128GB model – 17,990 INR

Realme X (launching in India on July 15)

  • 4GB + 64GB model – (approx. 15K)
  • 6GB + 64GB model – (approx. 17K)
  • 8GB + 128GB model – (approx. 20K)

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: