Vivo Z1 Pro, Snapdragon 712 Chipset Ke Saath Attractive Price Par Launch Hua

Vivo Z1 Pro, finally aaj India mein launch ho chuka hai, aur achhi baat ye hai ki is handset mein aapko latest Octa Core Qualcomm Snapdragon 712 processor milta hai. Saath hi ismein punch-hole selfie camera bhi moujood hai. Vivo Z1 Pro mein Sonic Blue, Sonic Black aur Mirror Black color options duye gaye hain.

Pricing & Availability Details

Sabse pehle is smartphone ki pricing details ki baat kar lete hain.

Company ne ismein three storage options launch kiye hain.

  • 4GB RAM with 64GB storage – 14,990 INR
  • 6GB RAM with 64GB storage – 16,990 INR
  • 6GB RAM with 128GB storage – 17,990 INR

Vivo Z1 Pro ko leading e-commerce portal Flipkart aur Vivo India eStore se 11th July se purchase kiya jaa sakta hai.

ALSO READ: Vivo Ki Nayi 120W FlashCharge Technology; Phone Ko 13 Minutes Mein Karegi 100% Charge

Detailed Features

Vivo Z1 Pro ko Snapdragon 712 chipset ke saath announce kiya gaya hai, jiske two Kryo 360 cores 2.3GHz ki speed par aur six Kryo cores 1.7 GHz ki speed par clocked hain. Ismein 6.53 inch ki full HD+ display di gayi hai.

Iske alawa 16 MP ka primary rear camera f/1.78 aperture, Sony IMX499 sensor ke sath diya gaya hai. Secondary rear camera 8 MP ka hai, jo 120 degree wide angle lens ke saath aata hai aur third 2 MP sensor, depth sensing ke liye hai, jo f/2.4 aperture ke saath milta hai. Ismein aapko 32 MP ka selfie snapper diya gaya hai.

ALSO READ: Vivo iQOO Neo With Snapdragon 845 & Triple Rear Cameras Announced; Redmi K20 Ko Dega Takkar

Iske alawa iski ek aur highlight hai, ismein aane waali 5000mAh ki battery jo ki 18W fast charger ke saath milti hai. Lekin yahaan par aapko in-display nahin, balki rear mounted fingerprint sensor hi diya gaya hai.

Saath hi ismein triple card slots hain, yaani ki dedicated microSD card slot bhi hai, dual 4G VoLTE support aur 3.5mm audio jack bhi diya gaya hai. Ye phone Android 9.0 Pie OS based FunTouch OS 9 ke saath aata hai. Ismein aapko OTG support bhi milta hai, yaani ki aap iski giant battery se, aur phone bhi charge kar sakte hain.

 

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: