Vivo Z1 Pro Jaldi Hi Hoga India Mein Launch, Kuch Key Features Company Ne Kiye Confirm

Vivo ne aaj apne official twitter handle se tweet ke dwara bataya hai ki wo apne first Z series smartphone ko India mein launch karne wala hai. Yeh launch hone wala upcoming phone Vivo Z1 Pro hai. Expect kiya jaa raha hai ki company China mein launch kar chuke Vivo Z5x smartphone ko India mein Vivo Z1 Pro ke naam se launch kar sakti hai.

 

 

17 second ke iss teaser video mein phone ke look ko poori tarah se reveal nahi kiya gaya hai. Company iss phone ko online market ko dhayan mein rakh kar launch karegi. Company ne yeh bhi announce kiya hai ki yeh phone Flipkart exclusive hoga.

Vivo Z1 Pro Snapdragon 700 series processor ke saath launch hoga, expected hai ki ye Snapdragon 712 chispet ke saath dekhne ko mile. Saath hi company ne yeh bhi bataya hai ki phone mein badi battery dekhne ko milegi. Iske alawa yeh bhi mention kiya gaya hai ki yeh phone fast charging technology ke saath announce kiya jaayega.

Vivo Z1 Pro mein humein triple rear camera aur front par punch hole selfie camera bhi dekhne ko mil sakta hai. Jitne bhi specifications ko company ke dwara mention kiya gaya hai, wah sabhi Vivo Z5x se kaafi match karti hai, jis se iss baat ke chances aur bhad jaate hain ki yeh phone Vivo Z5x ka re-branded version ho sakta hai. Vivo Z5x company ki taraf se aane wala pehla phone hai jismein punch hole selfie camera diya gaya hai. Company ne abhi tak phone ki final launch date ko announce nahi kiya hai. Reports ki according yeh phone 2019 ke third quarter mein launch kiya jaa sakta hai, jiski price Rs 20,000 lagbhag rakhi jaa sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: