Vivo Z1 Pro Jaldi Hi Hoga India Mein Launch, Flipkart Aur Official Website Par Show Hua Notify Page

Vivo ne kuch din pehle hi yeh bataya tha ki wah jaldi hi India mein Vivo Z1 Pro smartphone ko launch karne wala hai. Iss news ke saath hi phone ke kuch key specs bhi humare samane aaye the, jismein yeh bataya gaya tha ki yeh phone punch hole selfie camera aur triple rear camera setup ke saath launch kiya jaa sakta hai.

Aaj company ne apni official website par iss phone ka notify page live kar diya hai, jis par kuch specification ko bhi reveal kiya gaya hai. Live kiye gaye page mein bataya gaya hai ki yeh phone Snapdragon 712 processor ke saath launch kiya jaayega. Saath hi phone mein milne wala punch hole selfie camera 32MP ka diya jaayega. Iske alawa Google Ad mein bhi iss phone ko dekha gaya hai, jahaan same specs ke saath yeh ad dikhai de raha hai. Iske alawa company ne yeh bhi mention kiya hai ki yeh phone Flipkart exclusive hoga.

Image Credit : Smartprix

Vivo Z1 Pro mein 5000mAh ki battery di jaayegi jo ki 18W ki fast charging ke saath milegi. Abhi tak saamne aayi leaks ki according yeh maana jaa raha tha ki yeh phone China mein launch kiye gaye Viv0 Z5x ka re-branded variant ho sakta hai. Expect kiya jaa raha hai ki iss phone ki India mein keemat Rs 14,990 ke lahgbhag rakhi jaa sakti hai.

 

Vivo Z5x mein Snapdragon 710 chispet ka use kiya tha. Iss phone mein 6.53 inch ki full HD+ display di gayi hai. Saath hi iss phone mein FunTouch OS based Android 9 Pie operating system diya gaya hai. Photography ke liye aapko iss phone mein 16MP+8MP+2MP ka rear triple camera diya gaya hai, wahin selfie ke liye aapko ismein 16MP ka camera milta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: