Vivo Y95 Launched In India: Check Here For Specs, Price And Availability

Vivo Y83 ka successor, Vivo Y95 aaj India mein launch kiya gaya hai. Jaisa ki hum aur aap expect kar hi rahe the, is smartphone ko affordable range mein hi launch kiya gaya hai. Waterdrop notch ke saath aane waale is smartphone ko aap Starry Night aur Nebula Purple colors mein aaj se hi kharid sakte hain. Vivo Y95 online Flipkart, Amazon, Paytm aur Vivo India e-stores par aur offline partner retail stores par bhi available hoga.

Specifications k ek baar phir se aapke saath discuss karte hain. Vivo Y95 mein 6.22 inch ki HD+ Halo full view display hai aur ye Octa Core Qualcomm Snapdragon 439 mobile platform par chalta hai. Saath hi ismein aapko 4GB ki RAM aur 64GB ki internal memory milti hai, lekin dedicated microSD card slot ke saath aap ise 256GB tak extend kar sakte hain.

Iske camera section ki baat karein to, aapko yahaan par 13+2 MP ka dual rear camera setup mil jaata hai. Jabki selfie lovers ke liye yahaan 20 MP ka front camera moujood hai, jo face unlock aur AI beautyify features ke saath aayega. Ismein aapko rear mounted fingerprint scanner bhi mil raha hai aur 4030mAh ki battery bhi di gayi hai. Halaanki is price range mein bhi aapko yahaan fast charging support nahin diya gaya hai.

Vivo Y95 mein aapko gradient color options diye gaye hain. Saath hi ismein Android 8.1 Oreo Os software ke saath Funtouch OS 4.5 custom UI bhi hai. Is handset mein aapko dual nano SIM support to diya gaya hai, lekin dual 4G VoLTE support nahin hai. Aap kisi ek SIM mein hi 4G chala sakenge.

Price

Vivo Y95 ko India mein 16,990 INR ke price par launch kiya gaya hai. Well, is price range mein is smartphone ko bahut se achhe handsets takaar dene ke liye already India mein launch kiye jaa chuke hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: