Vivo Y7s Smartphone Hua Launch, Yahaan Jaane Price Aur Specs Ke Baare Mein

Vivo ne aaj China mein Vivo Y7s smartphone ko launch kar diya hai. Yeh phone in-display finger print scanner aur water drop notch display ke saath aata hai. Phone ke kaafi specs haal hi mein launch kiye gaye phone Vivo S1 match karte hain, jahaan aapko sirf storage aur front camera mein difference dekhne ko milta hai.

Vivo Y7s, 6.39 inch ki full HD+ Super AMOLED display ke saath aata hai. Phone ki screen 103% NTSC color gamut ke saath di gayi hai. Phone mein Octa Core MediaTek Helio P65 (MT6768) processor use kiya gaya hai, jo ki ARM Mali-G52 GPU ke saath aata hai. Yeh phone FunTouch OS 9 based Android 9 Pie operating system par kaam karta hain.

Phone mein AI triple rear camera setup diya gaya hai. Primary camera 16MP ( f/1.78 aperture) ka Sony IMX499 sensor ke saath aata hai, iske alawa secondary camera 8MP (f/2.2 aperture) ka 120° ultra wide sensor ke saath aata hai aur third camera 2MP (f/2.4 aperture) ka depth sensor ke saath diya gaya hai. Iss phone mein front shooter camera 16MP ( f/2.0 aperture) ka diya gaya hai, jabki Vivo S1 mein front facing camera 32MP ka milta hai.

Vivo Y7s mein 4500mAh ki battery di gayi hai, jo ki Vivo ki dual engine fast charging ko support karti hai. Connectivity ke liye aapko iss phone mein dual 4G VoLTE, dual band Wi-fi, Bluetooth 5, GPS/GLONASS ka support milta hai. Iss phone ko gradient colors mein announce kiya gaya hai, jismein aapko Sea Breeze Blue aur Polished Blue color option mil jaate hain.

Iss phone ko China mein CNY 1798 (~Rs 17,990) ki price par launch kiya gaya hai, jismein aapko 6GB RAM ke saath 128GB internal storage milti hai. Yeh phone 20th July se China mein sale ke liye available hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: