Vivo Y53s 5000mAh battery & 64MP Triple Rear Cameras ke saath India mein launch hua

Vivo ne aaj India mein affordable smartphone Vivo Y53s ko launch kar diya hai. Is smartphone mein bhi triple rear cameras aur 5000mAh battery jaise features moujood hain. Phone ko Deep Sea Blue aur Fantastic Rainbow colors mein release kiya gaya hai.

ALSO READ: Realme GT Flash Concept Phone Ke Sabhi Specifications Saamne Aaye

Price and Availability

vivo Y53s ko Rs. 19,490 ke price tag ke saath market mein utaara gaya hai. Is smartphone ko aap company ke Vivo India E-store, Amazon, Flipkart jaise leading online channels aur offline retail partners se kharid sakte hain. Ye handset aaj yaani ki 9th August se hi sale ke liye available hai.

Ab baat karte hain Vivo Y53s ke features ki. Is Y-series smartphone mein Octa core MediaTek Helio G80 chipset diya gaya hai aur saath mein 8GB ki RAM aur 128GB ki internal storage aayegi. RAM expansion ka option bhi yahaan hai, jiske saath aap 3GB tak extend kar sakte hain.

Vivo Y53s India mein launch hua

Phone mein 6.58 inch ki full HD+ LCD display hai. AMOLED naa hone ki wajah se in-display sensor nahin hai, lekin trend ko follow karte huye ismein company ne side-mounted fingerprint sensor diya hai.

Camera department mein yahaan rear panel par triple cameras hain. Inmein 64MP ka primary camera LED flash, f/1.79 aperture ke saath, 2MP ka depth sensor aur 2MP ka lens bhi f/2.4 aperture ke saath fit kiye gaye hain. Front par 16MP ka selfie camera moujood hai.

Iske alawa ismein aapko dual SIM slot, dedicated microSD slot, 3.5mm audio jack, USB Type-C slot aayenge. Ismein aapko 5000mah ki battery bhi 18W fast charging ke saath di gayi hai. Software side mein aapke liye Android 11 based Funtouch 11.1 skin hai.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: