Vivo Y3 Announced With Triple Rear Camera Setup And 5000mAh Battery

Vivo ne China mein Y series ke ek aur smartphone Vivo Y3 ko launch kar diya hai. Company ne last month India mein Vivo Y17 ko launch kiya tha. Vivo Y3 kaafi had tak Vivo Y17 ke specs ko carry karta hai. Mid range phone hone ke bawjood aapko iss phone mein triple rear camera setup dekhne ko milta hai. Saath hi phone mein water drop notch display bhi di gayi hai.

Vivo Y3 mein 6.35 inch ki HD+ display di gayi hai jiska screen aspect ratio 19.3:9 milta hai. Saath hi phone ki display par 2.5D curved glass ko use kiya gaya hai. Iss phone mein 2.3GHz ka Octa-Core MediaTek Helio P35 processor hai aur behtar graphics ke liye iss phone mein company ne IMG PowerVR GE8320 GPU diya hai. Ye phone 5000mAh ki huge battery ke saath aayega jo ki 18W dual engine fast charging ko support karti hai. Phone mein single storage option aapko milta hai,saath mein 4GB RAM aur 128GB internal storage moujood hai. Phone ki storage microSD card ki help se 256GB tak expand ki jaa sakti hai.

Vivo Y3 mein primary camera 13MP ka hai aur ye f/2.2 aperture ke saath aata hai, wahin secondary camera 2MP diya gaya hai aur third camera 8MP ke ultra wide angle lens ke saath fitted hai. Selfies shoot karne ke liye aapko ismein 16MP ka frontal camera diya gaya hai. Iske opposite Vivo Y17 mein 20MP ka front facing camera aur same triple rear camera setup diya gaya hai jo ki inn dono phones mein ek major difference hai.  Phone ke rear panel finger print scanner ka option bhi aapko mil jaata hai. Is phone mein FunTouch OS 9 based Android 9 Pie operating system milta hai.

 

Vivo Y3 mein aapko dual sim slot diye gaye hain saath hi yeh phone dual 4G VoLTE ko bhi support karta hai. Iske alawa iss phone mein dual band Wi-Fi, Bluetooth 5, GPS, GLONASS jaise connectivity option bhi mil jaate hain. Company ne iss phone ko gradient colors mein launch kiya hai jahaan aapko Peacock Blue aur Pink color option iss phone mein dekhne ko milenge. China mein iss phone ko CNY 1,500 (~Rs 15,100) ki price par launch kiya gaya hai. Yeh phone mein China mein sale ke liye available hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: