Vivo Y17 With Triple Rear Cameras & 5000mAh Battery Launched In India

Vivo ne last month India mein V15 Pro aur Vivo V15 ko launch kiya, jinhein kaafi pasand bhi kiya gaya. Lekin aaj company ne aur jyada affordable price par apna naya triple rear cameras waala smartphone Vivo Y17 India mein launch kiya hai. Triple rear cameras ke saath, is smartphone mein 5000mAh ki massive battery bhi aapko milne waali hai, saath hi 18W fast charging support bhi yahaan par hoga.

Vivo Y17 mein 6.35 inch ki HD+ LCD display hogi aur power dene liye MediaTek ka Octa Core Helio P35 chipset yahaan par use hua hai, jo ki TSMC 12nm FinFET process par based hai aur jiski clock speed 2.3 GHz hai.

ALSO READVivo V15 Pro Vs OnePlus 6T Detailed Comparison: The Best Mid-range Phone ?

Ab baat karte hain, is smartphone ke triple rear sensors ke baare mein. Ismein 13 MP ka primary shooter hai, jo f/2.2 aperture ke saath aayega, secondary 8 MP ka f/2.2 ultra wide angle lens hai, jo top par hai aur sabse neeche diya gaya hai, 2 MP ka depth sensor. Beautiful selfies capture karne ke liye, Vivo Y17 mein 20 MP ka front camera hai, jo f/2.0 aperture ke saath aata hai.

Is handset mein aapko Helio P35 chipset milta hai, halaanki day-to-day use mein ye ek achha processor maana jaa sakta hai, lekin gaming ke liye ye thoda kam ho sakta hai. Aur isiliye company ne is smartphone mein ‘Ultra Game Mode’ diya hai, jise on karne par ye game ke liye system resources ko allocate karta hai, taaki aap smoothly game ko enjoy kar sakein.

4GB RAM aur 128GB storage ke saath, Vivo Y17 ko Mineral Blue aur Mystic Purple colors mein launch kiya gaya hai. Ismein aapko Android 9.0 Pie OS ke saath FunTouch OS 9 milta hai. Ismein aapko dual SIM support, rear mounted fingerprint sensor, Wi-Fi 802.11 ac, Bluetooth 5, 3.5mm audio jack jaise features milte hain. Is smartphone ka price 17,990 INR hai.

Lekin hum yahaan par ye kehna chahenge ki, 17,990 INR ke price ke according, Vivo Y17 ke specs utne achhe nahin hai aur market mein isse kam price aapko full HD+ display ke Snapdragon 675 aur Snapdragon 710 chipset ke options mil sakte hain. Yahaan company 18K ke price par aapko HD+ display offer kar rahi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: