Vivo Y17 Ko Replace Kar, India Mein Jaldi Hi Entry Le Sakta Hai Vivo Y19 Smartphone

Vivo ne last week Thailand mein Vivo Y19 smartphone ko launch kiya hai. Bataya jaa raha hai ki yeh phone last month China mein launch kiye gaye Vivo U3 ka hi re-branded version hai. Haal hi mein saamne aayi jaanakri ki maane to company iss phone ko jaldi hi India mein bhi launch kar sakti hai. Saath hi yeh phone Indian market mein pehle se available smartphone Vivo Y17 ko replace kar sakta hai.  Sources ki according, yeh phone Indian market mein Rs 20,000 ke lagbhag announce kiya jaa sakta hai.

Thailand mein announce kiye gaye Vivo Y19 mein company ne MediaTek’s Helio P65  chipset ka use kiya tha. Lekin agar baat karein Vivo U3 ki to yeh phone Qaulcomm Snapdragon 675 chipset ke saath announce kiya gaya hai. Yeh inn donon phones mein ek main difference dikhai de raha hai. Iske alawa Vivo Y19, 6.53 inch ki FHD+ display ke saath aata hai jismein aapko water drop notch dekhne ko milti hai. Phone ke rear panel par triple camera setup diya gaya hai.  Phone mein primary camera 16MP ka, secondary camera 8MP ka ultra wide angle lens ke saath aur third camera 2MP ka depth sensor ke saath diya gaya hai. Selfies ke liye iss phone mein 16MP ka camera aapko milta hai.

Yeh phone 5000mAh ki battery ke saath aata hai jismein aapko fast charging ka support diya gaya hai. Iske alawa Vivo U3 ki tarah iss phone mein bhi aapko 6GB RAM ke saath 128GB internal storage ka option milta hai. Thailand mein yeh phone Black aur White do color option mein available hai, to wahin Vivo U3 mein aapko  Black, Blue aur Green color option milte hain. China mein launch kiya gaya Vivo U3 aur Thailand mein launch kiya gaya Vivo Y19, ka look aur design almost similar hain. Vivo Y19 ke launch ko le kar abhi koi bhi official launch date announce nahi ki gayi hai. Lekin expect kiya jaa raha hai ki aane wale dinon phone ke launch se judi jaankari jaldi hi humare saamne aa jayegi.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: