Vivo Y12, Triple Rear Cameras & Reverse Wireless Charging Ke Saath, Budget Price Par India Mein Launch Hua

Vivo apni Y-series ke saath Indian offline market mein khud ko expand karna chahta hai aur isiliye last month company ne Vivo Y15 aur April mein Vivo Y17 ko announce kiya. Aaj company ne isi ko expand karte huye Vivo Y12 ko India mein launch kiya hai. Halaanki iski khabar company ne nahin di, balki offline retail partners aur publication 91 Mobiles ke through saamne aayi hai.

91Mobiles ke according, Vivo Y12 is week ke end se offline retailers ke paas available hoga. Saath hi inhone is smartphone ki complete specs aur price details bhi confirm ki hain.

Bataaya jaa raha hai ki Vivo Y12 mein 3GB RAM ke saath 64GB storage aur 4GB RAM ke saath 32GB storage models aayenge. Halaanki yahaan storage options thode galat lag rahe hain, lekin yahi information saamne aayi hai ki 3GB+64GB model ka price 11,999 INR hoga aur 4GB+32GB model ka price 12,990 INR hoga.

Specs ki baat karein to, Vivo Y12 mein triple rear cameras honge, jinmein 13MP ka primary camera, 8 MP ka secondary ultra wide angle lens aur 2 MP ka depth sensing camera moujood hoga. Wahin front par aapko 8 MP ka selfie shooter dekhne ko milega.

91Mobiles ke according, Vivo Y12 mein 6.35 inch ki HD+ HaloView display hogi, jo ki waterdrop notch ke saath aayegi. Wahin ye smartphone Octa Core MediaTek Helio P22 chipset par chalega. Ye handset Android 9.0 Pie OS based FunTouch OS 9 ke saath milega.

Saath hi company ismein 5,000mAh ki giant battery offer kar rahi hai, lekin ismein fast charging hoga ya nahin, ye kehna mushkil hai. Lekin yahaan ek aur khabar ye bhi aa rahi hai ki ye affordable smartphone reverse wireless charging feature ke saath market mein aa sakta hai aur ismein aapko rear mounted fingerprint scanner diya jayega.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: