Vivo X23 Listed On Official Website; Few Specs And Image Are Out

Vivo ka upcoming flagship Vivo X23 China mein launch kar diya gaya hai. Vivo X21 ke is successor smartphone ko company ke apni Chinese website par list kar diya hai aur iske liye reservations bhi start ho chuke hain. Halaanki company ne ise abhi tak kisi launch event mein showcase nahin kiya hai.

Vivo X23 ki pictures to saamne aa hi chuki hain aur ummid hai ki company iski pricing details aur availability bhi jaldi hi confirm kar degi. Rumors ke according ye handset 23rd August ko ek launch event mein introduce kiya jayega jahaan iska price aur detailed specifications bhi announce kiye jayenge.

Vivo ki Chinese website par Vivo X23 ki ek tasveer lagi hai aur saath hi likha gaya hai ‘coming soon’. Iske alawa wahaan aapko ‘reservation’ button bhi nazar aayega jise tap karte hi aapko iske available hone par update kiya jayega.

Iske alawa official website se, ye bhi confirm hua hai ki ye upcoming high-end smartphone 91.2 screen to body ratio ke saath aane waali 6.4-inch ki display ke saath launch kiya jayega aur saath hi ismein 3D facial recognition feature bhi moujood hoga. Ismein front par aapko waterdrop notch bhi milegi jismein front camera fitted hai aur saath hi fourth generation in-display fingerprint scanner bhi diya gaya hai.

Saath hi ye bhi expected hai ki ismein, Snapdragon 670 processor diya jayega jo ki faster AI performance promice ke saath launch kiya gaya hai. Ismein 8GB ki RAM ho sakti hai aur storage ke bhi two versions launch kiye jaa sakte hain jinmein 128GB aur 256GB memory shaamil hai.

Vivo X23 mein rear panel par dual rear cameras ko vertically fit kiya gaya hai aur iska design bhi 3D hai. Official website ke according aap ise Blue aur Purple colors mein kharid sakenge.

Vivo X23 apne predecessor ke launch ke thik 6 months baad hi launch kiya jaa raha hai, lekin iske India launch ko lekar abhi koi rumor ya khabar nahin aayi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: