New Powerful Chipset Aur In-Display Fingerprint Scanner Ke Saath China Mein Launch Hua Mid-Range Vivo X23

Vivo ne China mein aaj apna naya flagship smartphone – Vivo X23 launch kiya, jo ki March mein launch huye Vivo X21 ka successor hai. Is smartphone ka price 3498 yuan hai (lagbhag 37,000 INR) aur ye China mein ye 14th September se available hoga.

Vivo X23 ki khaasiyat hai ismein aane waala Octa Core Qualcomm Snapdragon 670 AIE processor jo last month hi launch hua hai aur company ke according ye Snapdragon 660 chipset se 1.8 times better AI performance deta hai. Ismein two Kryo cores ki clock speed 2.0 GHz hai, jabki baaki six cores ki clock speed 1.7 GHz hai. Saath hi is nayi chipset mein company ne full HD+ display support provide kiya hai, jisse aapko behtar viewing experience mil sakta hai aur saath hi ye 16GB tak ki RAM ko support karta hai. Iske alawa is chipset mein aapko high-speed LTE network aur Qualcomm Quick Charge 4+ technology support bhi milta hai.

Iske alawa Vivo X23 mein 6.41 inch ki full HD+ Super AMOLED display di gayi, jo waterdrop notch aur 19.5:9 aspect ratio ke saath aayegi. Saath hi Snapdragon 670 chipset, Adreno 615 GPU aur 8GB ki RAM di gayi hai. Ismein 128GB internal memory di gayi hai, lekin microSD card slot nahin hai.

Vivo X23 dual SIM support ke saath aayega aur ismein in-display fingerprint scanner bhi moujood hai. ismein 12 MP ka primary rear camera, f/1.8 aperture, dual tone LED flash aur Sony IMX363 sensor ke saath diya hai. Saath hi 13 MP ka secondary camera 125 degree wide angle lens ke saath moujood hai. Is smartphone ka front shooter bhi 12 MP resolution aur f/2.0 aperture ke saath milta hai.

Vivo X23 mein  3400mAh ki battery fast charging ke saath di gayi hai. Ye handset Android 8.1 Oreo OS par chalta hai aur saath hi custom UI FunTouch OS 4.5 bhi moujood hai.

Halaanki India mein ye smartphone kab tak launch hoga, ise lekar abhi kuch bhi kehna mushkil hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: