Vivo X21s ko China Mein Kiya Gaya Announce, Waterdrop Notch Aur IFS ke Saath Jaaniye Price

Vivo X21 ke successor phone Vivo X21s ko haal hi mein China mein announce kiya gaya hai. Vivo X21 ki bhadiya specification ne launch ke sath hi customer ke beech apni jagah bana li thi. Vivo X21s mein kuch aur upgrade kiye gaye hain, jo ise Vivo X21 se behtar phone banate hain. To aaiye jaante hain Vivo X21s ke upgraded features aur specification ke baare mein.

 

Vivo X21s mein processor ko same hi rakha gaya hai jo ki Qualcomm Snapdragon 660 AIE chipset ke sath aata hai. Sath hi iss phone mein aapko Vivo X21 ki tarah hi in-display fingerprint milta hai. Vivo X21s ke screen size ko thoda bhadaya. Phone mein 6.41 inch ki Super AMOLED full HD+ display di gayi hai. Water drop notch display ke sath iss phone ka screen aspect ratio 19.5:9 diya gaya hai jo ki Vivo X21 ke compare mein thoda jyada hai. Yeh phone face recognition technology ke sath aata hai. Company ki according yeh phone dark area mein bhi behtar tarike se face ko recognize kar sakta hai.

 

Camera features ki baat ki jaaye to phone mein dual rear vertical camera diya hai. Jaha primary camera 12MP (f/1.8 aperture) ka aur secondary camera 5MP (f/2.4 aperture) ka diya gaya hai. Rear camera mein aapko AI based beauty mode, AI based portrait mode, AI based scene recognition mode jese feature diye gaye hain. Wahi front facing camera ki baat kare to 24.8MP (f/2.0 aperture) ka selfie camera aapko yaha milega.

 

Connectivity ke liye iss phone mein aapko Wi-fi 802.11 b/g/n, Bluetooth 5.0, GPS ke option milenge saath hi iss phone mein aapko 3.5mm headphone jack aur micro USB 2.0 ka option bhi diya gaya hai. Vivo X21s mein aapko Funtouch  OS 4.5 UI based Android 8.1 Oreo ka support milta hai. Google Assistant ki tarah  Chinese assistant Jovi ka support aapko iss phone mein milega. 3,400mAh ki battery ke saath aane wala yeh phone dual engine flash charging ke saath aata hai.

 

Vivo X21s ko single storage variant mein launch kiya gaya hai jaha aapko 6GB RAM aur 128GB internal storage ka option milta hai. Phone ki storage ko aap microSD card ki help se expand kar sakenge. Phone mein 2 color option milte hain, Starry Night Black aur Millennium Pink. Dono hi color variant gradient color se inspire hain.

Vivo X21s ko abhi sirf China mein hi announce kiya gaya hai jaha iski price CNY 2,498 batayi gayi hai. Aane wale samay mein Indian market mein yeh phone available hoga ya nahi iss update ke liye aapko wait karna hoga.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: