Vivo V9 Pro India Mein Launch Hua: Specs, Price And Availability Details

Vivo ne India mein aaj V9 Pro announce kiya hai, jo ki Amazon exclusive hai aur sirf Black color option mein aaj se hi 17,990 INR ke price tag ke saath available hai.

Isi month mein Vivo ka ye third smartphone hai. Isse pehle 6th September ko in-display fingerprint sensor ke saath Vivo V11 Pro aur silently kal hi Vivo V11 launch karne ke baad, company ne aaj V9 Pro ko announce kiya hai.

Vivo V9 Pro India mein 6.3 inch ki full HD+ 19:9 display ke saath aaya hai aur ye Octa Core Qualcomm Snapdragon 660 processor ke saath chalega. Ismein aapko 6GB ki RAM, 64GB ki internal memory aur 256GB tak ki expandable memory option milta hai. Saath hi ismein 13 + 2 MP ka dual rear camera setup bhi moujood hai jo f/2.2 aperture aur LED flash light ke saath aata hai.

Vivo V9 Pro mein dual nano SIM slot aur ek dedicated microSD card slot hai. Saath hi is Android 8.1 Oreo based handset mein 3260mAh ki battery hai, lekin yahaan aapko koi fast charging support nahin milta. Halaanki is price range mein aapko kayi smartphones isse badi battery aur uske saath fast charging support dete hain.

V9 Pro mein in-display fingerprint scanner nahin, balki rear mounted fingerprint sesnor moujood hai. Iska selfie camera 16 MP ka hai. Iske alawa ismein aapko 4G VoLTE, Wi-Fi 802.11ac,  Bluetooth 4.2, GPS aur USB OTG jaise features bhi moujood hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: