Vivo V9 24 MP Front Camera Ke Saath 27 March Ko India Mein Hoga Launch

Vivo ne haal hi mein ye confirm kiya hai ki isi mahine ki 27 March ko company apna naya smartphone ek event ke dauraan launch karegi jiska naam Vivo V9 hai. Khaas baat ye hai ki is baar ye smartphone sabse pehle China mein nahin, balki India mein launch hone jaa raha hai. Vivo V9 March 27 ko India mein unveil hoga. Isi date ko Chine mein Xiaomi ka Mi MIX 2s bhi launch hone waala hai.

Company is smartphone ko ‘perfect view, perfect shot’ tag line ke saath tease kar rahi hai, jiska seedha matlab hai ki ye bhi ek camera centric smartphone hai jismein 24 MP ka selfie camera moujood hai. Saath hi iski ek aur khaas baat hai iska iPhone X jaise notch design. Vivo V9 ka notch iPhone X se bhi chota hai aur yahaan front camera ke saath, earpiece aur sensors bhi diye gaye hain.

Jaisa ki hum pehla bata chuke hain ki Vivo apna V7 aur V7+ India mein discontinue kar raha hai, V9 uski ka replacement ya successor kaha jaa sakta hai kyunki ismein bhi 24 MP ka frontal sensor hai.

Iske alawa iski leak hui images mein ye bhi saaf hai ki ismein vertically design kiya hua dual rear camera setup hoga aur saath hi under-display nahin, lekin rear panel par fingerprint scanner hoga, jo ki fans ke liye thoda nirashajanak hai, kyunki Vivo isse pehle under-display fingerprint sensor ke saath smartphones launch kar chuka hai.

Rumors ke according ismein 6 inch ki full HD+ display hogi aur Snapdragon 660 chipset aane ki ummid hai. Vivo V9 mein 4GB aur 6GB RAM ke options mil sakte hain. Iske alawa ismein 3500mAh ki battery aa sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: