Vivo V19 series Ki Pre-Booking February Mein Hi Hogi Start, Next Month Launch Hoga Phone

Vivo V17 & V17 Pro ke successors ko company jaldi hi India mein launch kar sakti hai. Is nayi series mein V19 & V19 Pro phones March mein launch hone ki khabar hai, jabki inke pre-orders company February-end se hi lena start kar degi. Bataaya jaa raha hai ki Vivo V19 series ko company IPL 2020 se thik pehle launch karegi aur IPL 23rd March, 2020 se start hone jaa rahe hain.

February-end se in dono phones ke pre-booking start hone ki khabar 91 Mobiles ko inke retail sources ke through pata lagi hai. Saath hi ye bhi saamne aaya hai ki ye dono phones mid-range segment mein announce kiye jayenge jinki price 20,000 – 30,000 INR ke beech hogi. Expected hai ki is series ko company online channels aur authorized offline retail outlets ke through sale karegi.

Iske alawa Vivo V17 aur V15 series ki tarah possible hai ki company pehle Vivo V19 Pro ki sale start kare aur V19 kuch time ke baad sale ke liye available ho.

Well, abhi ye sab rumors hi hain, in handsets ko lekar company ne abhi koi announcement ya information nahin di hai. Lekin agar V-series ke pichle launches par nazar daalein to Vivo V15 series last year February mein hi aayi thi aur iske baad Vivo V17 Pro ko company ne iske lagbhag 6 months ke baad announce kiya tha. Agar iske according dekhein, to ab is series ke next smartphones ke aane ka samay ho chuka hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: