Vivo V19 Pro Punch-Hole Display Ke Saath Ho Sakta Hai Launch, Saamne Aaye Naye Leaks

Vivo V19 & V19 Pro ke leaks ek baar phir saamne aaye hain. Kuch samay pehle ye rumors aaye the ki company Vivo V19 Pro ke pre-registrations February-end se start karne waali hai aur IPL 2020 se thik pehle, next month inhein launch bhi kiya jayega. Aaj is handset ki live image bhi leaks mein nazar aayi hai, jismein ye punch-hole selfie camera ke saath nazar aa raha hai.

Is new leak mein aap punch-hole display ke saath front design ko bhi saaf saaf dekh sakte hain. Vivo V17 Pro mein pop-up selfie shooter hain, wahin company ab is baar use chodhkar punch-hole design ka istemaal karne waali hai.

91 Mobiles ki reports ke according, Vivo V19 Pro mein dual punch hole cameras honge, yaani ki wahi pill-shaped hole ke saath aapko display dekhne ko mil sakti hai, jaise ki Poco X2 mein moujood hai.

V19 series ka agar ye leak sahi hua to yahaan par aapko ye camera-focused phone punch-hole design aur minimum bezels ke saath nazar aayega. Halaanki leaks mein camera ke detailed specs saamne nahin aaye hain.

Well, phone ki image to nazar aayi hai, lekin ab tak is handset ke specs ko lekar koi leak saamne nahin aaya hai. Bataaya jaa raha hai ki Vivo is year bhi IPL sponsor karne waala hai aur ye bhi khabar hai ki company is league ke shuru hone se thik pehle apne new camera-centric phone ko market mein launch kar sakta hai.

Chaliye ye to ab coming weeks mein pata chal hi jayega ki ye khabarein kitni sahi hai aur kitni galat. Vivo se bhi iski official announcement aani baaki hai, lekin iske price ko lekar bhi market mein ye charcha hai ki ye dono handsets 20,000 INR se 30,000 INR ke beech hi launch kiye jayenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: