Vivo V17 Pro Six Cameras Ke Saath September Mein Hi Hoga Launch, Saamne Aaye Leaks

Vivo V15 Pro ke successor Vivo V17 Pro ko company jaldi hi India mein launch karne waali hai. Is smartphone ke kuch photos bhi leak huye hain, jinhein aap neeche dekh sakte hain. V17 Pro ko reality TV show Bigg Boss ke teaser mein Actor Salman Khan ke haath mein bhi spot kiya gaya tha aur expect kiya jaa raha hai ki ye phone third week of September mein launch hone waala hai.

Neeche di gayi image ye confirm karti hai ki ismein four rear cameras fit honge. Wahin upar di gayi image mein aap two pop-up selfie cameras dekh sakte hain. Hum aapko bata dein ki Vivo V17 Pro, dual pop-up selfie cameras ke saath aane waala first smartphone hoga, jiska India launch 17-19 September 2019 ke beech expect kiya jaa raha hai.

ALSO READ: Vivo Z1X Launching Soon, Phone Mein Milega Vivo Flash Charge Ka Support

Iske alawa is leaked image se phone ke White aur Black colors saamne aa chuke hain. Is handset ke front aur back panel, dono taraf aapko glass milega aur quad camera setup mein 48MP ka primary camera, ek wide angle lens, ek depth sensor aur ek macro shots ke liye sensor expect kiya jaa raha hai.

Vivo V15 Pro ke mukaable aapko V17 Pro mein jo improvements dekhne ko milengi wo hain higher screen to body ratio, dual pop-up selfie cameras, 48MP trendy camera, quad camera setup, sath hi chipset bhi yahaan par jyada powerful hoga.

ALSO READ: TENNA Listing Par Saamne Aaye Vivo Nex 3 5G Phone Ke Specs Aur Images

V15 Pro ko company ne 30K ke under hi launch kiya tha aur expect kiya jaa raha hai ki Vivo V17 Pro ka price bhi lagbhag same hi hona chahiye.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: