Vivo V17 Pro Ki India Launch Date Huyi Announce, Teaser Image Mein Dikha Front Dual Lens Pop-Up Camera

Vivo ne apni V series ke ek aur smartphone, Vivo V17 Pro ki India launch date announce kar di hai. Yeh phone 20th September ko India mein launch hoga. Launch date ke alawa phone ka look bhi reveal kiya gaya hai, jismein yeh phone pop-up mechanism wale front dual camera ke saath dikhai de raha hai. Issi ke saath phone ke rear panel par quad camera setup bhi dikhai de raha hai.

Teaser image mein phone ke front panel par in-display finger print scanner dekha jaa sakta hai, saath hi display mein kisi bhi tarah ki notch bhi visible nahi ho rahi hai. Inn sabhi details ke alawa leaks mein bataya gaya hai ki yeh phone 6.44-inch ki FHD+ Super AMOLED display ke saath aa sakta hai. Issi ke saath company iss phone mein 2GHz Octa-Core Snapdragon 675 processor ka use kar sakti hai.

Image Credit : [email protected]

Phone ke rear panel par bottom mein Vivo ki branding aur top par AI Quad camera likha hua hai. Baat karein agar phone mein diye jaane wale front camera ki to humein 32MP ka primary front camera aur 2MP ka secondary front camera mil sakta hai. Iske alawa rear panel par 48MP ( f/1.78 aperture) ka primary rear camera diya jaa sakta hai. Isi ke  saath 8MP ka secondary camera 120° ultra wide angle lens ke saath, third camera 2MP depth sensor ke saath aur fourth camera 2MP macro lens ke saath diya jaa sakta hai.

Inn sabhi specs ke saath phone ko 4100mAh ki battery ke saath launch kiya jaa sakta hai, jismein humein fast charging ka option dekhne ko mil sakta hai. Teaser images mein yeh phone do gradient colors mein dikhai de raha hai, jo ki Glossy Black aur Pearly White color nazar aa rahe hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: