Vivo V17 Pro Ke Specs Leak; Camera Sample Bhi Company Ne Kiya Reveal

Vivo V17 Pro ka launch ab nazdeek hi hai. Is handset ki hype market mein already kaafi badh chuki hai. Phone ka design bhi aap upar di gayi image mein completely dekh sakte hain aur company ne aaj iska camera sample bhi leak kar diya hai.

Well, India mein company ab khud is smartphone ko tease kar rahi hai aur iske specs jo saamne aaye hain unmein highlight hain iske dual pop-up selfie cameras. Ye handset total six cameras ke saath aane waala first mid-range smartphone hoga. Ye ek camera centric phone hoga, jiska camera sample aap neeche dekh sakte hain. Is tasveer mein color and detailing kaafi achhi dikh rahi hai aur photo bhi overall decent hai.

ALSO READ: Vivo Z1x India Mein Launch Hua; Triple Rear Cameras, Snapdragon 712 CPU & More

Leaks aur rumors ke according Vivo V17 Pro mein 6.44 inch ki full HD+ Super AMOLED display hogi aur ye in-display fingerprint scanner ke saath aayega.  Is handset mein Octa Core Snapdragon 675 chipset hone ki khabar hai aur 8GB tak ki RAM ke saath 128GB ki storage ho sakti hai.

Vivo V17 Pro mein 48MP ka primary camera, 8MP ka secondary camera 120 degree ultra wide angle lens ke saath, 2MP ka depth sensor aur 2MP ka macro lens hoga. 32MP ke wide angle selfie camera ke saath 2MP ka secondary shooter bhi front par aapko milega.

Bataaya jaa raha hai ki is dual SIM based phone mein 4000mAh ki battery fast charging support ke saath di jaa sakti hai. Saath hi software mein aapko Android 9.0 Pie OS ke saath FunTouch OS 9 milega.

Well, company ne abhi tak India launch date officially reveal nahin hi hai, lekin expected hai ki next week tak Vivo V17 Pro kabhi bhi launch ho sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: