Vivo V17 Ke Baad, Ab Launch Honge Vivo V19 & V19 Pro, Saamne Aayi Ye Khabar

Vivo ne abhi kuch hi samay pehle India mein Vivo V17 ko announce kiya hai. Lekin ab aisa lag raha hai ki inke successors ko company next year 2020 mein kaafi jaldi hi launch karne waali hai. Popular blog 91 Mobiles ko ek company source ke through ye khabar mili hai ki Vivo next year ke first quarter (Q1 2020) mein hi Vivo V19 & Vivo V19 Pro ko launch kar sakti hai.

Is known source ne ye confirm kiya hai ki Vivo V19 series IPL 2020 se pehle hi launch ki jayegi. Hum aapko bata dein ki IPL March 23, 2020 se start ho raha hai aur maana jaa raha k poore IPL ke dauraan company apne phone ko ismein promote karti nazar aayegi.

In dono handsets ke abhi tak koi bhi specifications ya features to saamne nahin aaye hain, lekin agar ye khabar poori tarah se sahi hui, to hopefully humein in handsets ke leaks bhi jaldi hi nazar aayenge.

Isi ke saath ye bhi possible lag raha hai ki company Vivo V19 series ko MWC 2020, Barcelona mein bhi globally announce kar sakti hai aur uske baad India mein. Darasal, company ne isi week mein MWC 2020 ke liye bhi invites jaari kar diye hain. Halaanki ye abhi khabar nahi hai ki Vivo yahaan kya launch karne waala hai. Lekin invite ko dekhkar kuch andaaz jo lagaaye jaa rahe hain, wo ye hain ki image mein ek ‘V’ shape nazar aa rahi hai aur shayad ye ek foldable smartphone ki taraf ishaara karti hai. Wahin kuch ka kehna hai ki ye V shape Vivo ki ‘V’ series ka bhi ho sakta hai.

Well, ab kya sahi hai aur kya launch hone waala hai, ye to aane waale leaks bata hi denge. Lekin kya aap bhi hamaari taraf is khabar se Vivo V19 series ke liye excited hain ?

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: