Vivo V15 Pro Vs OnePlus 6T Detailed Comparison: The Best Mid-range Phone ?

Vivo ka naya smartphone Vivo V15 Pro aaj pop-up selfie camera aur triple rear cameras ke saath launch kiya gaya hai. Vivo ke is smartphone mein kaafi khaasiyat hain aur ise 28,990 INR ke competitive price par market mein utaara gaya hai. Saath hi ismein in-display fingerprint scanner bhi diya gaya hai, jise hum isse pehle OnePlus 6T jaise flagship phones mein bhi dekh chuke hain. Halaanki 6T last year launch hua ek flagship phone hai, lekin aaj ise hum yahaan, mid-range V15 Pro se compare karenge aur dekhnge specs, features aur price mein last year ka flaghip aage rehta hai, ya latest mid-range phone ye battle jeet jaata hai.

Let’s have a look on detailed comparison.

Design and Build Quality

Vivo V15 Pro, jise gradient color options ke saath launch kiya gaya hai, completely plastic se bana hua hai. Ismein right edge par volume rocker aur power button hai, wahin left edge par Google Assistant ke liye dedicated button aur dedicated microSD card slot bhi moujood hai. Ismein top edge par audio jack aur pop-selfie camera hain, wahin bottom edge par micro USB port, speaker grill aur SIM tray hai.

Vivo V15 Pro mein glass finish plastic rear panel hai, jo dekhne mein kaafi stunning hai.  Back par triple rear cameras aur LED flash light moujood hai.

Wahin OnePlus 6T ko metal aur glass body ke saath design kiya gaya hai, lekin ismein gradient color options nahin hain, jo ki aaj ka trend ban chuka hai. Well, is smartphone ki build quality achhi hai, lekin lookwise V15 Pro behtar hai. OnePlus 6T mein waterdrop notch ke saath AMOLED display hai, jabki V15 Pro mein pop-up camera ke saath uninterrupted purely full view AMOLED display hai. Iske alawa Oneplus 6T mein right edge par power button hai, left edge par volume rocker aur SIM tray slot hai. Bottom edge par USB Type-C port, microphone aur speaker grill hai.

Dono hi phones dekhne mein premium quality ke lagte hai, lekin V15 Pro mein aapko notchless display aur latest gradient design ka feel milta hai. Wahin OnePlus 6T ek premium feel deta hai aur ismein aapko Corning Gorilla Glass 6 protection bhi diya gaya hai. Lekin yahaan waterdrop notch, jo ki last year ka trend hai, milta hai.

ALSO READ: Amazing Price Aur Specs ke Saath India Mein Launch Hua Vivo V15 Pro: First Impressions & Unboxing Video Check Karein

Display

OnePlus 6T aur Vivo V15 Pro dono mein hi AMOLED displays di gayi hain. Yahaan aapko koi major difference nahin milta hai, lekin V15 Pro ke bezels, 6T ke comparison mein kam hain aur notchless display hai, jo kaafi stunning lagti hai, wahin OnePlus 6T mein color profiles thodi behtar hain. Vivo V15 Pro mein 6.39 inch ki Super AMOLED display hai, jabki OnePlus 6T mein 6.45 inch ki optic AMOLED display hai.

OnePlus 6T ka plus point yahaan par ye hai ki wo latest screen protection Corning Gorilla Glass ke saath ayega.

Dono hi smartphones ki display quality kaafi achhi hai, jo mostly users ko pasand aayegi. Lekin agar display aapki top priority hai aur aap ise lekar choosy hain, to aap OnePlus 6T chun sakte hain.

Processor

OnePlus 6T mein 2.8 GHz Octa Core Qualcomm Snapdragon 845 chipset hai, jo Adreno 630 GPU ke saath aayega. Ye last year ka flagship chipset hai. Wahin Vivo V15 Pro mein aapko 2.0 GHz Octa Core Qualcomm Snapdragon 675 processor milta hai, jo ki Qualcomm ka latest mid-range chipset hai. Halaanki ki OnePlus 6T, performance wise better hai, lekin agar aap basic aur moderate user hain (jo ki jyadatar log hote hain) to Snapdragon 675 ke saath compare karne par jyadafark nahin pata chalega, wahin agar aap heavy usage karte hain, to OnePlus 6T hi aapke liye behtar hai.

Dono hi smartphones kaafi achhi performance deliver karte hain, gaming performance mein bhi aapko kuch khaas difference nahin dikhega, lekin phir bhi comparitively OnePlus 6T ki performance jyada fast aur smooth hai

Software

OnePlus 6T aur Vivo V15 Pro, dono mein hi Android 9.0 Pie OS hai, lekin dono hi smartphones mein aapko company ki apni UI bhi milti hai. Vivo V15 Pro mein FunTouch OS 9 hai, jiska result humein kuch khaas pasand nahin aaya, jabki OnePlus 6T ka oxygen OS kaafi behtar aur friendly hai.

Camera

Ye ek aisa section hai, jismein mid-range V15 Pro, flagship OnePlus 6T se better result deta hai. Vivo V15 Pro mein 32 MP pop-up selfie camera hai, jabki OnePlus 6T mein 16 MP front camera hai. Yahaan numbers se hi clear hai ki winner kaun hai.

Iske alawa V15 Pro mein 12+8+5 MP triple rear cameras hain, jabki 6T mein aapko 16+20 MP ke dual rear sensors milte hain. Vivo V15 Pro mein primary 48 million quad pixel sensor hai, jo 12 MP ka output dete huye, better images click karta hai, secondary 8 MP AI technology aur 120 degree wide angle lens ke saath fitted hai, jabki 5 MP camera yahaan par depth focusing ke liye hai. Images mein kaafi achhi detailing, color saturation aur sharpness hai.

Oneplus 6T ka 16 MP primary camera dual LED flash light, f/1.7 aperture, aur Sony IMX519 sensor ke saath diya gaya hai. Wahin secondary 20 MP camera bhi, Sony IMX376K sensor aur f/1.7 aperture ke saath moujood hai.  6T ke rear cameras se li gayi images ka result bhi bahut achha hai. Yahaan par kaha jaa sakta hai ki Vivo V15 Pro aur OnePlus 6T ke rear cameras mein bahut kam difference hai, jabki front camera, V15 Pro ka better hai.

OnePlus 6T mein nightscape mode hai, jo ki night scenes ko recognize karke, improved pictures deliver karta hai. Wahin V15 Pro bhi Super Night mode ke saath launch hua hai, jiska result OnePlus 6T ke ‘Super Night Mode’ se behtar hai.

Battery

OnePlus 6T aur Vivo V15 Pro, dono mein hi 3700mAh ki battery di gayi hai. OnePlus 6T mein USB Type-C charging port hai aur ye Dash Charge technology ke saath aata hai. Doosri taraf, Vivo V15 Pro mein Dual-Engine fast charging support hai, lekin yahaan micro-USB charging port hai.

Dono smartphones mein battery same hai aur fast charging support bhi hai, lekin OnePlus 6T ka fast charging,V15 Pro ke comparison mein fast hai.

ALSO READ: OnePlus 6T Vs Xiaomi Poco F1 Detailed Comparison: Kaun Sa Hai Best Flagship ?

Storage Variants & Pricing Details

Vivo V15 Pro

  • 6GB RAM & 128GB storage variant – 28,990 INR

OnePlus 6T

  • 6GB RAM & 128GB internal memory – 37,999 INR
  • 8GB RAM & 128GB storage option – 41,999 INR
  • 8GB RAM & 256GB inbuilt memory 45,999 INR

Verdict

Vivo V15 Pro latest design aur innovative technology ke saath launch hua hai. Pop-up selfie camera, triple rear sensors, latest chipset ke saath ye smartphone 28,990 INR ke price par available hai. Wahin OnePlus 6T thoda jyada premium feel aur flagship chipset ke saath aane waala smartphone hai, jiski kimat 37,999 INR se shuru hoti hai. OnePlus 6T aur V15 Pro mein jyada difference nahin hai, lekin phir bhi 6T ke comparison mein V15 Pro mein kuch kamiyaan hai. Lekin in sabhi kamiyon ko dono phones mein jo price ka difference hai, wo easily cover kar sakta hai, kyunki V15 Pro ki kimat, 6T ke comparison mein approx. 10,000 INR kam hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: