Vivo V15, MediaTek Helio P70 Aur 32MP Front Camera Ke Saath India Mein Launch Hua

Last month India mein Vivo V15 Pro ko launch karne ke baad, company ne aaj is smartphone ka lower version Vivo V15 bhi India mein announce kar diya hai. Halaanki yahaan jyada changes nahin hai, lekin chipset aur fingerprint scanner mein badlaav kiye gaye hain.

Vivo V15 ko Frozen Black, Glamour Red aur Royal Blue color options mein India mein launch kiya gaya hai. Ismein Corning Gorilla Glass 5 protection ke saath 6.53 inch ki full HD+ 19.5:9 notchless display di gayi hai. Ye dual SIM based smartphone Octa Core MediaTek Helio P70 chipset par chalta hai jo ki 12nm process based hai. Isse pehle is chipset ke saath Realme U1 aur Realme 3 India mein aa chuke hain.

Vivo V15 ko 6GB RAM aur 64GB internal memory ke saath aap purchase kar sakte hain, saath hi dedicated microSD card slot se memory ko additional 256GB tak increase kiya jaa sakta hai.

Is smartphone mein bhi aapko 12+5+8 MP ka triple rear camera setup milta hai. Main 12 MP ka camera f/1.78 aperture, 8 MP ka AI camera 120 degree wide angle lens ke saath aur third 5 MP ka depth fpcus camera f/2.4 aperture ke saath aata hai. Front par aapko wahi 32MP ka selfie shooter diya gaya hai.

Vivo V15 mein in-display fingerprint scanner nahin hai, balki yahaan aapko rear mounted fingerprint reader ka option milta hai. Saath hi 4000mAh ki battery, dual Engine fast charging support ke saath di gayi hai.

Is smartphone ko online aur offline dono hi markets mein 25th March se purchase kiya jaa sakta hai aur iska price 23,990 INR hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: