Vivo U10 Mein Milegi Badi Battery Aur Triple Rear Cameras Setup

Vivo ne last week Amazon.in par tease karke bataya tha ki wah jaldi hi Vivo U10 ke saath ek nayi smartphone series ko shuru karne wali hai. Uss samay phone se related kisi bhi details ko share nahi kiya gaya tha. Lekin haal hi mein website par phone ke kuch specs ko reveal kiya gaya hai. Company ne bataya tha, ki U10 mein mention kiya gaya U, Unstoppable meaning ko define karta hai.

Amazon.in par phone se related ek quiz bhi shuru ki gayi hai, jahaan aap kuch questions ke answers de kar Vivo U10 jeetne ke liye register kar sakte hain. Phone ki battery se judi jaankari ko website par disclose kiya gaya hai. Vivo U10 mein 5000mAh ki badi battery dekhne ko milegi. Itna hi nahi, yeh phone 18W fast charging support ke saath aayega. Phone ko full charge karne ke baad aapko iss phone mein 12 hours ka Youtube video watch time, 15 hours ka social media surfing time aur 7 hours ka PUBG playing time milega.

Amazon Quiz time mein reveal kiye gaye poster mein phone ka back look show ho raha hai, jismein phone ke rear panel par triple camera setup dikhai de raha hai. Isi ke saath physical finger print scanner bhi phone ke back panel par dekha jaa sakta hai. Iske alawa phone mein milne wali screen waterdrop notch ke saath di jaayegi. Company yeh detail pehle hi share kar chuki hai ki Vivo U10, Qualcomm Snapdragon processor powered hoga, haalanki wah processor kis series se hoga, yeh abhi nahi bataya gaya hai.

Vivo U10, 24th September ko launch kiya jaayega. Reports ki maane to iss phone ki price Rs 12000 ke lagbhag rakhi jaa sakti hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: