Vivo U10 Ke Saath Jaldi Hi Introduce Hogi Nayi Smartphone Series

Vivo iss month India mein apne kaafi smartphones ko launch karne wala hai. Haal hi mein company ne Vivo Z1X smartphone ko launch kiya hai, jo ki ek mid-range smartphone hai. Iske alawa company ne aaj hi Vivo V17 Pro ki India launch date bhi announce ki hai. Inn sabhi ke alawa Amazon.in par Vivo ke ek nayi smartphone ‘U’ series ko le kar bhi ‘Notify Me’ page live kar diya gaya hai. Iss series mein Vivo U10 first phone hoga. Yahaan U, Unstoppable meaning ko mention karte huye rakha gaya hai, jismein aapko har feature Unstoppable milne wala hai.

Yeh phone Amazon Exclusive hai, jo sirf online market mein hi sale ke liye available hoga. Phone se related kisi bhi jaanakri ko details mein share nahi kiya gaya hai, lekin kuch specs se related hints ko company ne Amazon.in ke page par mention kiya hai. Live kiye gaye Notify Me page par phone ka front look dekha jaa sakta hai, jismein phone par waterdrop notch clearly dikhai de rahi hai. Iske alawa yeh bhi bataya gaya hai ki iss phone mein Qualcomm Snapdragon based powerful processor diya jaayega jiski help se aap multi tasking bhi kar sakenge.

Phone mein kitne capacity ki battery di jaayegi, yeh nahi bataya gaya hai, lekin phone mein fast charging ka support milega, iss baat ko company ne reveal kar diya hai. Fast charging ke through aap apne phone ko kuch minutes mein hi itna charge kar sakenge jis se aap use long time tak use kar sakein.

Phone ki launch date ki jaankari abhi tak company ne share nahi ki hai. Vivo ki according, yeh phone unn sabhi customers ko dhayan mein rakh kar design kiya gaya hai, jo budget smartphone mein affordable price par kuch bhadiya features lena pasand karte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: