Vivo NEX Launched In India: Unboxing, First Look And Quick Review

Vivo ne aaj India mein apna naya flagship smartphone launch kar diya hai jiski khaasiyat hai uska elevated front camera. Ye smartphone India mein pure Black color mein 44,990 INR ki kimat par milega. Vivo NEX ko kewal Amazon.in aur Vivo Shop Online se hi purchase kiya jaa sakta hai.

Unboxing

Vivo NEX ko unbox karte samay aapko is premium black box mein sabse pehle ye beautiful smartphone milta hai, uske saath aapko premium matte finish back cover, SIM ejector PIN, USB Type-C cable, in-the-ear earphone, 5V / 2Amp, 9V / 2Amp, 10V / 2.25 Amp ka fast charger milta hai.

Design and Build Quality

Vivo NEX ke ke rear panel par dual cameras, LED flash light aur center mein NEX ki branding di hui hai. Saath hi ismein top edge par elevated cameras, 3.5mm audio jack aur secondary microphone milta hai. Bottom edge par SIM tray, C-type port, speaker aur primary microphone moujood hain. Iske right edge par aapko volume rocker aur power button diye gaye hain, jabki left edge par Google Assistant ke liye ek separate button hai. Ismein aapko rear panel par nahin, balki in-display fingerprint scanner milta hai jo kaafi fast response karta hai.

Display

Is smartphone mein aage ki taraf aapko purely bezel-less display di gayi hai jo 91.24 scree-to-body-ratio ke saath aapko milti hai. Ismein 6.59-inch ki full HD+ Super AMOLED display moujood hai jo 19.3:9 aspect ratio aur DCI-P3 color gamut ke saath aati hai. Is AMOLED display mein aapko colors aur viewing angles kaafi achhe milte hain.

Hardware aur Software

Vivo NEX mein Qualcomm ka flagship Snapdragon 845 chipset, 2.8 GHz clock speed ke saath diya gaya hai aur saath hi Adreno 630 GPU bhi moujood hai. Is handset mein aapko 8GB ki RAM milti hai jismein se 3.6GB available hai aur 128GB ki native storage mein se 110GB free hai jo ki more than enough hai. Halaanki yahaan par aapko microSD card slot nahin milta hai.

Saath hi ismein Funtouch OS 4.0 custom UI hai jo Android 8.1 Oreo par based hai.

Ye software aur hardware ka best combo hai aur iske saath Asphalt 8 jaise heavy games bhi aap is smartphone mein behad easily chala sakte hain. Is software aur processor ke saath aapko yahaan kisi bhi tarah ka lag ya koi problem dekhne ko nahin milti aur saath hi aap koi bhi video play karte hain to wo bhi smoothly chalti hai aur aapko kaafi badi screen mein achhe viewing angles bhi milte hain.

Camera

Is smartphone mein 12 + 5 MP ka dual rear camera setup hai jismein HDR, depth mode, live photos, panorama, Google lens, AI mode, face beauty jaise kayi modes shaamil hain, jinmein aap picture clock kar sakte hain. Indoor light ho ya outdoor light, rear camera se click ki gayi pictures mein detailing acchi hai aur colors kaafi natural nazar aate hain. Halaanki HDR mode on karne par aapko thodi aur color enhancement milti hai. Iske alawa iske portrait mode ke saath tasveerein aur bhi behtar lag rahi hai aur exposure bhi kaafi hai.

Ismein 8 MP ka selfie camera aapko f/2.0 aperture ke saath milta hai, saath hi usmein bhi kayi modes moujood hai jaise ki studio light, low light, selfie focus, etc. Selfie pictures ke samples neeche diye gaye hain jo aapko dikha rahe hain ki ismein bhi detailing aur colors above average hain.

 

Battery

Ismein apko 4000mAh ki battery milti hai jo 22.5 W fast charging ke saath aati hai aur usage ke baad dekha gaya hai ki iski performance bhi kaafi acchi hai. Poore din ke usage ke baad bhi aapke Vivo NEX ki battery completely drain nahin hoti hai. Is smartphone ko full charge hone mein lagbhag 1 hour 40 minutes ka time lagta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: