Vivo Nex Ka Hands-On Video Leak Hua: Amazing Full View Display Ke Saath Kal Hoga Launch

Vivo Nex, jo ki ab tak ka almost 100% screen to body ratio ke saath aane wala smartphone hai, kal launch hone jaa raha hai aur isko lekar kayi rumors is samay market mein moujood hai. Lekin aaj, launch se ek din pehle, iska hands-on video leak hua hai aur isse ye pata chala hai ki Vivo Nex 256GB inbuilt storage ke saath bhi launch kiya jaa sakta hai.

Aaj leak hui hand-on video mein Vivo Nex ka design chaaron taraf se nazar aa raha hai aur ye video kewal 5-seconds ki hai.

Vivo Nex ko lekar rumors jo aa rahe hain, unke according is smartphone ke two variants aa sakte hain, jinmein ek high-end version Snapdragon 845 chipset ke saath aayega aur doosra mid-range option ho sakta hai jo ki Snapdragon 710 CPU ke saath launch hoga.

Iske alawa Chinese website Weibo par Vivo Nex ki pricing details bhi leak hui hai, jiske according iske mid-range variant ka price CNY 3,798 lahbhag 40,000 INR hoga, jabki iske high-end version ki kimat 48,000 INR tak jaa sakti hai.

Vivo Nex ki ek aur khaasiyat hai iska front pop-up camera, jo ki front camera open karte hi smartphone ke top edge se nikalkar aata hai aur aapke full screen ko bilkul disturb nahin karta. Higher screen to body ratio dene ke liye hi iske front panel na to front camera aur sensors hain, na hi notch hai aur na koi capacitive home button, taaki aap purely full view display enoy kar sakein.

Ummid hai ki ismein 6.59 inch ki display moujood hogi, 8GB RAM ke alawa ismein 6GB RAM ka option bhi diya jayega aur saath hi ismein Vivo X21 ki tarah hi in-display fingerprint scanner bhi moujood hoga. Iske alawa rumors jo is handset ke baare mein reveal karte hain wo ye hai ki ye Vivo ke apne AI assistant ke saath aayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: