Vivo Nex Dual Display Edition Ki Unboxing Video Saamne Aayi: Check Karein Price And Specifications

Vivo is baar aapke saamne phir se kuch naya lekar aaya hai. Last year launch huye Vivo Nex ka successor Vivo NEX dual display edition, China mein launch kiya gaya hai. Pichli baar ki hi tarah, is baar bhi aap ek nayi technology dekhenge, jo hai front aur rear panels par di gayi two displays.

Vivo Nex Dual Display edition mein in-display fingerprint scanner, triple rear cameras aur selfie ke liye aapko rear camera par bhi second display di gayi hai. Is display ke dwara aap rear cameras se hi selfies le sakenge.

Vivo Nex Dual Display edition mein 12 MP primary rear camera, Sony IMX363 sensor, 4-axis OIS, f/1.79 aperture aur dual tone LED flash light ke saath diya gaya hai. Saath hi 2 MP ka secondary rear camera yahaan par aapko night vision ke liye, f/1.8 aperture ke saath mil jaata hai aur third one hai, 3D TOF camera, jo ki f/1.3 aperture aur face unlock feature ke liye kaam karta hai.

Iske alawa is smartphone ki ek aur highlight hai, ismein di gayi 10GB RAM. Saath hi yahaan Android 9.0 Pie OS ke saath FunTouch OS 4.5 diya gaya hai.

Other specifications ki baat karein to, Vivo Nex Dual Display edition mein front par aapko 6.39-inch full HD Super AMOLED display hai aur rear panel par aapko 5.49 inch ki full HD Super AMOLED display milti hai. Ismein Octa Core Snapdragon 845 10nm processor par chalta hai, jiski clock speed 2.8 GHz hai. Ismein aapko 10GB RAM ke saath 128GB ki storage mil rahi hai, lekin ye expandable nahin hai.

Vivo Nex Dual Display edition 3500mAh battery ke saath aayega aur ismein 22.5W fast charging support hai. Connectivity options ki baat karein to, ismein dual 4G VoLTE, Wi-Fi 802.11 ac 2×2 MIMO, Bluetooth 5.0 LE, GPS + GLONASS, USB Type-C port aur 3.5mm audio jack shaamil hain.

Is handset mein dual SIM support diya gaya hai. Saath hi ismein jo in-display fingerprint scanner hai, wo puraane Vivo Nex ke mukaable 17% fast hai. Vivo Nex Dual Display edition ko Ice Blue aur Star Purple colors mein launch kiya gaya hai. Well, China ke ek channel ke through is smartphone ki unboxing video bhi saamne aayi hai, jise aap neeche dekh sakte hain.

Price ki baat karein to, China mein ye smartphone 29th December se 4998 yuan yaani ki lagbhag 52,000 INR ke price par available hoga. Is smartphone ke India launch ki charcha to abhi kahin nahin hai, lekin ummid hai ki 2019 ke first quarter mein company ise India mein laa sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: