Vivo NEX 2 Ki Video Aayi Saamne, Dual Screen Work Kar Sakti Hain Multi Finger Gesture Support Ke Saath

Kuch samay se saamne aa rahi leaks images aur videos ke saath expect kiya jaa raha tha ki jaldi hi Vivo apna naya phone Vivo NEX 2 dual screen ke saath launch kar sakta hai. Lekin ab yeh confirm ho gaya hai ki yeh phone dual screen ke saath hi aaega. Vivo ke iss phone ki ek video saamne aayi hai jaha yeh dekha jaa sakta hai ki yeh phone dual screen par work karta hua nazar aa raha hai. Saath hi Phone mein 3 finger gesture ki help se screen swipe hoti huyi nazar aa rahi hai.

Image Source : Weibo
Image Source : Weibo

Dikhai de rahi video mein pehle phone ki front screen dikhai deti hai jise user 3 fingers ki help se swipe kar ke phone ke rear screen par transfer kar deta hai. Isse yeh clear ho jaata hai ki aapko phone ki dono hi screen ko use karne mein kisi bhi tarah ki paresaani ko face nahi karna padega. Sirf ek straight swipe ke saath aap rear screen se front screen aur front screen se rear screen par jaa sakta hai.

Iske alawa Vivo ke iss phone ko le kar aur bhi kuch specification saamne aayi hai jo ki ek Chinese website Weibo par dekhi gayi hai. Saath hi Vivo NEX 2 ko Geekbench list par bhi dekha gaya hai jaha se saamne aayi specification mein pata chalta hai ki iss phone mein aapko 10GB ki RAM ka support milega. Jo ki Qualcomm Snapdragon 845 chipset ke saath aa sakta hai. Iske alawa dikhai de rahi specification mein bataya gaya hai ki yeh phone Android 9 Pie ke saath launch kiya jaa sakta hai.

 

 

 

Inn sabhi leaks ke alawa dikahi de rahi images se yeh baat sure ho jaati hai iss phone mein front screen par koi camera option aapko nahi milega. Balki yeh kaam aap rear screen ke sath kar sakenge. Iske alawa phone ki battery capacity ko le kar bhi koi rurmors saamne nahi aayi hai. Lekin expect kiya jaa raha hai ki iss phone mein 6.59 inch ki front screen aur 5.5 inch ki rear screen di jaa sakti hai jo ki gorilla glass protection aaegi aur dono hi screen AMOLED display ke saath aa sakti hain.

Image Source: Weibo

Saath hi expect kiya jaa raha hai ki yeh phone in-display finger print scanner ke saath aa sakta hai, kyun ki iske alawa leaked images mein kisi bhi panel par finger print cut-out nazar nahi aa raha hai. Vivo NEX 2 ko kaafi slim design body design ke saath market mein launch kiya jaa sakta hai, jismein audio output ke liye aapko speaker ka option bhi sayad in-screen hi mile. Ummid ki jaa rahi hai ki yeh phone 11th December ko launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: