Vivo Ne India Mein Launch Kiya Vivo Y93, Helio P22 Chipset Aur Waterdrop Notch Ke Saath India Mein Available

Vivo ne apni Y-series ka ek naya smartphone Vivo Y93  India mein launch kar diya hai. Phone ko kuch samay pehle hi China mein launch kiya gaya tha. Vivo ki taraf se aane wala yeh ek budget range smartphone hai. Jo ki sabhi jaruri features ke saath launch kiya gaya hai. Phone ki khaasiyat ki baat karein to waterdrop notch display aur achi battery capacity ke saath iss phone ko launch kiya gaya hai. Aaiye jaante hain kya khaas hai Vivo Y93 mein.

Vivo Y93 mein aapko milti hai 6.22 inch ki HD+ display jiska screen aspect ratio 19:9 diya gaya hai. iske alawa yeh phone bhadiya battery capacity ke saath launch kiya gaya hai jahan aapko 4030mAh ki battery iss phone mein milti hai. Vivo Y93 mein 2Ghz ka Octa core MediaTek Helio P22 processor diya gaya hai jo ki 650Mhz ke GE3220 GPU ke saath aata hai. India mein launch kiye gaye Vivo Y93 mein aapko 4GB RAM aur 32GB internal storage ka option dekhne ko milta hai jabki China mein launch kiye gaye Vivo Y93 mein aapko 4GB RAM aur 64GB internal storage ka option diya gaya tha .

Vivo Y93 mein aapko 13MP ka primary camera aur 2MP ka secondary camera diya gaya hai jo ki LED flash ke saath aata hai. Iske alawa 8MP ka front facing camera aapko iss phone mein dekhne ko milega. Phone ke rear panel par aapko finger print sensor ka option bhi milta hai. Vivo Y93 mein aapko Andorid 8.1 Oreo based Funtouch 4.5 OS diya gaya hai. Iske alawa phone mein gyrosensor, proximity sensor, ambient light sensor jaise basic features bhi diye gaye hain. Finger print sensor ke alawa yeh phone face unlock ko bhi support karta hai.

Connectivity ke liye aapko iss phone mein dual 4G VOLTE ka support milta hai. Saath hi Wi-Fi, Bluetooth, GPS ka support bhi aapko iss phone mein dekhne ko milega. Iske alawa iss phone mein aapko 3.5mm headphone jack ka option bhi diya gaya hai.  Vivo Y93 ko India mein 2 color option mein launch kiya gaya hai jahan aapko Nebula Purple aur Starry Black color dekhne ko milenge . Phone ke dono hi color gradient inspired color hai.

Indian market mein iss phone ki price Rs 13,990 rakhi gayi hai. Jahan yeh phone Amazon.in ki website par, Vivo ke online store aur leading offline retail store par sale ke liye available hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: